മലയാളം വിനോദ ചാനലുകള്‍ തമ്മിലുള്ള യുദ്ധത്തില്‍ വര്‍ഷങ്ങളായി ഏഷ്യാനെറ്റ് റാങ്കിങ്ങില്‍ നിലനിര്‍ത്തിയിരുന്ന ടെലിവിഷന്‍ റേറ്റിങ്ങ് പോയിന്റ് (ടിആര്‍പി) കുത്തക തകര്‍ത്ത് ഫ്‌ളവേഴ്‌സ് ടിവി. തിരുവോണ ദിവസം വര്‍ഷങ്ങളായി ഏഷ്യാനെറ്റ് ഒന്നാം സ്ഥാനം നിലനിര്‍ത്തിയിരുന്നത്.
എന്നാല്‍, ഇക്കുറി ആ സ്ഥാനം ഫ്‌ളവേഴ്‌സ് ടിവിയാണ് നേടിയത്. ഫ്‌ളവേഴ്‌സ് ടിവി തിരുവോണ ദിവസം രാവിലെ 11 മുതല്‍ സുരേഷ് ഗോപിയെ പങ്കെടുപ്പിച്ച്‌നടത്തിയ ഫ്‌ളവേഴ്‌സ് ടോപ്പ് സിങ്ങര്‍ ഗ്രാന്റ് ഫിനാലെ മത്സരമാണ് ചാനലിനെ റേറ്റിങ്ങില്‍ ഉയര്‍ത്തിയത്. പാച്ചുവും അത്ഭുത വിളക്കും, 2018 സിനിമയും പ്രീമിയര്‍ ചെയ്തിട്ടും ഏഷ്യാനെറ്റിന് ഫ്‌ളവേഴ്‌സിന് അടുത്തെത്താന്‍ സാധിച്ചിട്ടില്ല.
സുരേഷ് ഗോപിയുടെ വരവില്‍ 122 പോയിന്റുമായാണ് ഫ്‌ളവേഴ്‌സ് ടിവി ടിആര്‍പിയില്‍ ഒന്നാം സ്ഥാനത്ത് എത്തിയത്. രണ്ടാമത് എത്തിയ ഏഷ്യാനെറ്റിന് 111 പോയിന്റുകള്‍ മാത്രം നേടാനെ സാധിച്ചുള്ളൂ. 72 പോയിന്റുമായി മൂന്നാം സ്ഥാനത്ത് സൂര്യ ടിവിയാണ്. മഴവില്‍ മനോരമ 42 പോയിന്റും സീ കേരളം 32 പോയിന്റും നേടി നാലും അഞ്ചും സ്ഥാനങ്ങളിലെത്തി. ഏഷ്യാനെറ്റ് മൂവിസാണ് ആറാം സ്ഥാനത്ത് എത്തിയിരിക്കുന്നത്. 23 പോയിന്റാണ് ചാനല്‍ നേടിയത്. 20പോയിന്റുമായി കൈരളി ഏഴാം സ്ഥാനത്തും 18 പോയിന്റുമായി സൂര്യ മൂവിസ് ഏട്ടാം സ്ഥാനത്തും തിരുവേണ ദിവസത്തെ ടിആര്‍പി റേറ്റിങ്ങില്‍ എത്തിയിട്ടുണ്ട്.
തിരുവേണ ദിവസം പിന്നിലായി പോയെങ്കിലും 35 ആഴ്ചയിലെ ടെലിവിഷന്‍ റേറ്റിങ്ങ് പോയിന്റില്‍ 667 പോയിന്റുമായി ഏഷ്യാനെറ്റ് തന്നെയാണ് മുന്നില്‍. ഓണത്തിന് മുന്നേറ്റം കാഴ്ചവെയ്ക്കാനായെങ്കിലും ആഴ്ചയിലെ കണക്കുകള്‍ പരിശോധിക്കുമ്പോള്‍ ഫ്‌ളവേഴ്‌സ് ടിവി വളരെ പിന്നില്‍ പോയി. 388 പോയിന്റുമായാണ് ചാനല്‍ രണ്ടാം സ്ഥാനം നിലനിര്‍ത്തിയത്. 292 പോയിന്റുമായി സൂര്യ മൂന്നും 275 പോയിന്റുമായി മഴവില്‍ മനോരമ നാലും 225 പോയിന്റുമായി സീ കേരളം അഞ്ചും സ്ഥാനങ്ങളില്‍ എത്തിയിട്ടുണ്ട്.
Read more
ടിആര്‍പിയില്‍ ആറാം സ്ഥാനത്ത് ഏഷ്യാനെറ്റ് മൂവിസാണ്. 197 പോയിന്റാണ് ചാനലിന് ലഭിച്ചത്. 136 പോയിന്റുമായി കൈരളി ടിവി ഏഴാം സ്ഥാനത്തും 130 പോയിന്റുമായി ഏട്ടാം സ്ഥാനത്തും ഏഷ്യാനെറ്റ് പ്ലസ് 99 പോയിന്റുമായി ഒന്‍പതാം സ്ഥാനത്തും 88 പോയിന്റുമായി കൈരളി വി പത്തും സ്ഥാനത്തുമാണ് ടിആര്‍പിയില്‍ ഇടം പിടിച്ചിരിക്കുന്നത്. 11 സ്ഥാനത്ത് 88 പോയിന്റുമായി കൊച്ചുടിവിയാണ്. ടിആര്‍പിയില്‍ ഏറ്റവും പിന്നില്‍ അമൃത ടിവിയാണ്. ഓണക്കാലമായിട്ടും ചാനലിന് 69 പോയിന്റുകള്‍ നേടാന്‍മാത്രമാണ് സാധിച്ചത്.
