ബിഗ് ബോസ് തെലുങ്ക് സീസണ് 7 അവസാനിച്ചത് പിന്നാലെ വന് സംഘര്ഷം. ഹൈദരാബാദില് ആറ് ബസുകളും കാറുകളും ബിഗ് ബോസ് ആരാധകര് തകര്ത്തു. സാധാരണക്കാരുടെ പ്രതിനിധിയായി എത്തിയ പല്ലവി പ്രശാന്ത് ബിഗ് ബോസ് തെലുങ്കിലെ ഈ സീസണില് വിജയി ആയത്.
വിജയിയെ പ്രഖ്യാപിച്ചതിന് പിന്നാലെ ഫൈനല് ഷൂട്ട് ചെയ്ത അന്നപൂര്ണ്ണ സ്റ്റുഡിയോയ്ക്ക് മുന്നില് എത്തിയ പല്ലവി പ്രശാന്തിന്റെയും റണ്ണര് അപ്പ് അമര്ദീപിന്റെയും ആരാധകര് കലാപം ഉണ്ടാക്കുകയായിരുന്നു. മത്സരാര്ത്ഥികളുടെ പേരിലുണ്ടായ പോര് കലാപമായി മാറുകയായിരുന്നു.
ആറ് ട്രാന്സ്പോര്ട്ട് ബസുകളും റണ്ണര് അപ്പ് അമര്ദീപ്, മത്സരാര്ഥികളായ അശ്വനി, ഗീതു എന്നിവരുടെ കാറുകളും തകര്ക്കപ്പെട്ടു. പല്ലവി പ്രശാന്തിനും ആരാധകര്ക്കുമെതിരെ പൊലീസ് സ്വമേധയാ കേസുകള് ഫയല് ചെയ്തിട്ടുണ്ട് എന്നാണ് റിപ്പോര്ട്ടുകള്.
തങ്ങള്ക്ക് സംഭവിച്ച നഷ്ടം ചൂണ്ടിക്കാട്ടി തെലുങ്കാന റോഡ് ട്രാന്സ്പോര്ട്ട് കോര്പ്പറേഷന് എംഡി എക്സ് അക്കൗണ്ടിലൂടെ ബിഗ്ബോസ് നിര്മ്മാതാക്കളെയും അവതാരകന് നാഗാര്ജ്ജുനയെയും ടാഗ് ചെയ്ത് പോസ്റ്റ് ഇട്ടിട്ടുണ്ട്.
Read more
തങ്ങളുടെ കാറുകള് തകര്ക്കപ്പെട്ടതിനെതിരെ അശ്വനി, ഗീതു എന്നിവര് ജൂബിലി ഹില്സ് പൊലീസ് സ്റ്റേഷനില് പരാതി നല്കിയിട്ടുണ്ട്. ഐപിസി സെക്ഷന് 147, 148, 290, 353, 427, 149 എന്നിവ പ്രകാരമാണ് പല്ലവി പ്രശാന്തിനും ആരാധകര്ക്കും എതിരെ തെലങ്കാന പോലീസ് കേസ് എടുത്തിരിക്കുന്നത്.