അമേരിക്കയിലെ പാലസ്തീന്‍ അനുകൂല പ്രതിഷേധം നടത്തിയ ഇന്ത്യന്‍ വംശജ അറസ്റ്റില്‍. അമേരിക്കയിലെ യൂണിവേഴ്‌സിറ്റി ക്യാമ്പസുകളില്‍ പ്രതിഷേധം നടത്തിയതിനാണ് ഇന്ത്യന്‍ വംശജയായ തമിഴ്‌നാട്ട് സ്വദേശിയായ അചിന്ത്യ ശിവലിംഗം അറസ്റ്റിലായത്.
ഗാസയില്‍ ഇസ്രായേല്‍ കൂട്ടക്കുരുതി നടത്തുകയാണെന്ന് ആരോപിച്ച് പ്രിന്‍സ്റ്റണ്‍ സര്‍വകലാശാലയില്‍ പ്രതിഷേധം നടത്തിയതിനാണ് ഇവരെ അറസ്റ്റ് ചെയ്തത്. ഇവരോടൊപ്പം പാക്കിസ്ഥാന്‍ സ്വദേശിയായ ഹസന്‍ സയീദ് എന്ന വിദ്യാര്‍ഥി കൂടി അറസ്റ്റിലായിട്ടുണ്ട്. ക്യാമ്പസുകളില്‍ വിദ്യാര്‍ത്ഥികളില്‍ തമ്പ് കെട്ടി താമസിക്കാന്‍ ഇവര്‍ പ്രേരിപ്പിച്ചതിനെ തുടര്‍ന്നാണ് അറസ്റ്റ് ഉണ്ടായിരിക്കുന്നത്.
Read more
ഇരുവരെയും ക്യാമ്പസില്‍ നിന്ന് ഉടന്‍ തന്നെ പുറത്താക്കിയതായും യൂണിവേഴ്‌സിറ്റി വക്താവ് ജെന്നിഫര്‍ മോറില്‍ പറഞ്ഞു. മറ്റൊരു യൂണിവേഴ്‌സിറ്റി വക്താവ് മൈക്കല്‍ ഹോച്ച്കിസ് ഡെയ്ലി പ്രിന്‍സ്റ്റോണിയനോട് ഇക്കാര്യം സ്ഥിരീകരിച്ചു. ശിവലിംഗം പ്രിന്‍സ്റ്റണില്‍ ഇന്റര്‍നാഷണല്‍ ഡെവലപ്മെന്റില്‍ മാസ്റ്റര്‍ ഓഫ് പബ്ലിക് അഫയേഴ്സ് വിദ്യാര്‍ത്ഥിയാണ്, സയ്യിദ് പിഎച്ച്ഡിക്ക് പഠിക്കുകയാണ്.
