സംവിധായകന് വിനയന് ഒരുക്കിയ ഏറ്റവും പുതിയ ചിത്രമാണ് പത്തൊന്പതാം നൂറ്റാണ്ട്. വമ്പന് ബഡ്ജറ്റില് ബ്രഹ്മാണ്ഡ ചിത്രമായി ഒരുക്കിയ പത്തൊന്പതാം നൂറ്റാണ്ടില് യുവ താരം സിജു വില്സനാണ് നായകനായി എത്തുന്നത്.
ഇതിനോടകം പുറത്തു വന്ന ഇതിന്റെ ടീസര് സോഷ്യല് മീഡിയയില് സൂപ്പര് ഹിറ്റ് പ്രതികരണമാണ് സൃഷ്ടിച്ചത്. അതുപോലെ ചിത്രത്തിന്റെ പോസ്റ്ററുകളും വലിയ പ്രേക്ഷക ശ്രദ്ധ നേടിയെടുത്തു. ഇപ്പോള് പോസ്റ്റ് പ്രൊഡക്ഷന് ജോലികളുടെ അവസാന ഘട്ടത്തിലാണ് ഈ ചിത്രം.
ഈ സിനിമയെ കുറിച്ചും ഇതില് സിജു വില്സണ് നടത്തിയ പ്രകടനത്തെ കുറിച്ചുമെല്ലാം സംവിധായകന് വിനയന് കുറിച്ച വാക്കുകളാണ് ഇപ്പോള് ശ്രദ്ധ നേടുന്നത്.
വിനയന് കുറിച്ച വാക്കുകള് ഇങ്ങനെ,
”പത്തൊന്പതാം നൂറ്റാണ്ടിന്റെ അറ്റ്മോസ് മിക്സിംഗ് പൂര്ത്തിയായി. അടുത്ത ദിവസങ്ങളില് തന്നെ റിലീസ് ഡേറ്റ് അനൗണ്സ് ചെയ്യുന്നതാണ്. പുതിയ ട്രെയിലറും റിലീസിനു മുന്പായി നിങ്ങളുടെ മുന്നിലെത്തും. ഈ ചിത്രത്തില് സിജു വിത്സണ് എന്ന യുവനായകന്റെ ആക്ഷന് രംഗങ്ങളും അഭിനയവും പ്രേക്ഷകര് ഇഷ്ടപ്പെടും ചര്ച്ച ചെയ്യപ്പെടും എന്നു ഞാന് വിശ്വസിക്കുന്നു. സിജുവിനോടൊപ്പം അനുപ് മേനോനും ചെമ്പന് വിനോദും, സുരേഷ് കൃഷ്ണയും, ഇന്ദ്രന്സും, സുദേവ് നായരും അടങ്ങിയ അന്പതോളം പ്രമുഖ താരങ്ങള് അണിനിരക്കുന്നുണ്ട്.
Read more
ഷാജികുമാറും, വിവേക് ഹര്ഷനും, സന്തോഷ് നാരായണനും,എം ജയചന്ദ്രനും, അജയന് ചാലിശ്ശേരിയും, എന് എം ബാദുഷയും, പട്ടണം റഷീദും,ധന്യാ ബാലകൃഷ്ണനും സുപ്രീം സുന്ദറും അടങ്ങിയ പ്രഗത്ഭരായ സാങ്കേതിക പ്രവര്ത്തകരുടെ ഒരു വലിയ നിര എന്നോടൊപ്പം ഈ ചിത്രത്തില് പ്രവര്ത്തിക്കുന്നു. ശ്രീ ഗോകുലം ഗോപാലന് നിര്മ്മിക്കുന്ന, നവോത്ഥാന നായകനായ ധീര സാഹസികന് ആറാട്ടുപുഴ വേലായുധപ്പണിക്കരുടെ കഥ പറയുന്ന ഈ ചരിത്ര സിനിമ എന്നെ സംബന്ധിച്ചിടത്തോളം ഏറെ പ്രതീക്ഷ നല്കുന്ന ഒന്നാണ്. എല്ലാ സുഹൃത്തുക്കളുടെയും സപ്പോര്ട്ട് ഉണ്ടാകുമല്ലോ?”.