ശരവണ സ്റ്റോഴ്സ് ഉടമ ശരവണന്റെ അരങ്ങേറ്റ സിനിമയായിരുന്നു ‘ദ ലെജന്ഡ്’. കഴിഞ്ഞ വര്ഷം ജൂലൈ 28ന് തിയേറ്ററുകളില് എത്തിയ ചിത്രം പിന്നീട് ഒ.ടി.ടി പ്ലാറ്റ്ഫോമിലും സ്ട്രീമിംഗ് ആരംഭിച്ചിരുന്നു. സംവിധായകരായ ജെഡിയും ജെറിയും ചേര്ന്നാണ് ചിത്രം ഒരുക്കിയത്.
ചിത്രത്തിനായി ആദ്യം സമീപിച്ചത് നയന്താരയെ ആയിരുന്നു എന്ന വാര്ത്തകളാണ് ഇപ്പോള് പുറത്തു വന്നിരിക്കുന്നത്. സംവിധായകര് തന്നെയാണ് ഇക്കാര്യം തുറന്നു പറഞ്ഞത്. ചിത്രത്തില് നായിക ആയിട്ടല്ല നയന്താരയെ കാസ്റ്റ് ചെയ്യാനിരുന്നത് മറ്റൊരു ഉപ കഥാപാത്രത്തെ അവതരിപ്പിക്കാനായിട്ട് ആയിരുന്നു താരത്തെ സമീപിച്ചിരുന്നത്.
എന്നാല് നയന്താര ചിത്രത്തിന്റെ ഭാഗമായില്ല എന്നാണ് സംവിധായകര് ഒരു അഭിമുഖത്തിനിടെ വ്യക്തമാക്കിയത്. ചിത്രത്തില് ഡോ. മധുമിത എന്ന നായികാ കഥാപാത്രമായി ഉര്വശി റൗട്ടേല ആയിരുന്നു വേഷമിട്ടത്. ശരവണന് എതിരെ എത്താറുള്ള ട്രോളുകളോടും സംവിധായകര് പ്രതികരിച്ചു.
50 വയസിന് മേല് പ്രായമുള്ള ശരവണന് ലെജന്ഡിന് വേണ്ടി നടത്തിയ കഠിനാധ്വാനത്തെ കുറിച്ച് പരിഹസിക്കുന്നവര്ക്ക് അറിയില്ല എന്നാണ് സംവിധായകര് പറയുന്നത്. അതേസമയം, പുതിയ ചിത്രത്തിന്റെ ഒരുക്കത്തിലാണ് ശരവണന് ഇപ്പോള്.
Read more
പുതിയ സിനിമയ്ക്കായി മേക്കോവര് നടത്തിയ ശരവണന്റെ ചിത്രങ്ങള് സോഷ്യല് മീഡിയയില് വൈറലായിരുന്നു. ഇനി വരാനിരിക്കുന്നത് ലെജന്ഡ് 2 ആണോ എന്നും പ്രേക്ഷകര് ചോദിക്കുന്നുണ്ട്. ഒരു ശാസ്ത്രജ്ഞന്റെ റോളിലായിരുന്നു ശരവണന് ലെജന്ഡില് വേഷമിട്ടത്.