നയന്താര നായികയായി എത്തുന്ന 75-ാമത് സിനിമയുടെ ഷൂട്ടിംഗ് ആരംഭിച്ചു. നവാഗതനായ നിലേഷ് കൃഷ്ണയാണ് സംവിധാനം. ശങ്കറിന്റെ അസോഷ്യേറ്റ് ആയി 2.0 ഉള്പ്പെടെയുള്ള ചിത്രങ്ങളില് നിലേഷ് പ്രവര്ത്തിച്ചിട്ടുണ്ട്. ഷൂട്ടിംഗ് ലൊക്കേഷനിലേക്ക് നയന്താര എത്തുന്ന വീഡിയോയാണ് വൈറലാകുന്നത്.
ഒപ്പം ചിത്രത്തിന് ആശംസകള് നേരുന്ന രജനികാന്തിനെയും വീഡിയോയില് കാണാം. ജയ്, സത്യരാജ്, കെ.എസ് രവികുമാര്, അച്യുത് കുമാര്, റെഡിന് കിങ്സ്ലി എന്നിവരാണ് ചിത്രത്തിലെ മറ്റ് പ്രധാന അഭിനേതാക്കള്. പത്ത് വര്ഷത്തിന് ശേഷം ജയ്യും നയന്താരയും വീണ്ടും ഒന്നിക്കുന്ന സിനിമ കൂടിയാണിത്.
അറ്റ്ലി സംവിധാനം ചെയ്ത ‘രാജാ റാണി’യിലാണ് ഇരുവരും ഇതിന് മുമ്പ് ഒന്നിച്ച് അഭിനയിച്ചത്. എസ്. തമന് ആണ് സംഗീതം. ഛായാഗ്രഹണം സത്യന് സൂര്യന്, എഡിറ്റിംഗ് പ്രവീണ് ആന്റണി. സീ സ്റ്റുഡിയോസ്, ട്രൈഡെന്റ് ആര്ട്സ്, നാഡ് സ്റ്റുഡിയോസ് എന്നിവര് ചേര്ന്നാണ് നിര്മ്മാണം.
Read more
അതേസമയം, ‘ജവാന്’ ആണ് നയന്താരയുടെതായി റിലീസിന് ഒരുങ്ങുന്ന ഏറ്റവും പുതിയ ചിത്രം. ഷാരൂഖ് ഖാന്റെ നായികയായാണ് ചിത്രത്തില് താരം എത്തുന്നത്. നയന്താരയുടെ ബോളിവുഡ് അരങ്ങേറ്റ ചിത്രമാണിത്. അറ്റ്ലി സംവിധാനം ചെയ്യുന്ന ചിത്രം ജൂണില് റിലീസ് ചെയ്യുമെന്നാണ് വിവരം.