പ്രപഞ്ചത്തിന്റെ സ്രഷ്ടാവായി മമ്മൂട്ടിയെ അവതരിപ്പിച്ചുകൊണ്ടുള്ള പുതിയ ഫോട്ടോഷൂട്ട് വൈറലാകുന്നു. മനോരമ കലണ്ടര്‍ 2022 ഫോട്ടോഷൂട്ടിലെ താരത്തിന്റെ പുതിയ ലുക്കാണ് ആരാധകര്‍ക്കിടയില്‍ ചര്‍ച്ച. മമ്മൂട്ടി ദ് ക്രിയേറ്റര്‍’ എന്ന കണ്‍സപ്റ്റിലാണ് മനോരമ കലണ്ടര്‍ 2022 മൊബൈല്‍ ആപ്പ് ഫോട്ടോഷൂട്ടിന്റെ തീം ഒരുക്കിയിരിക്കുന്നത്. ‘രാജാവാകാന്‍ വഴിയൊരുക്കിയ ഒരു യോദ്ധാവിന്റെ കഥ, ഭൂതകാലത്തിലെ രാജ്യത്തിന്റെ രാജാവ്..എല്ലാറ്റിനും മുകളില്‍ ഒന്നാമനായി…രാജാവ്, അവന്‍ ഏകനാണ്.’…ഇതാണ് ഫോട്ടോഷൂട്ടിന്റെ പ്രമേയം.
കറുത്ത സ്യൂട്ട് അണിഞ്ഞ് സ്‌റ്റൈലിഷ് ലുക്കിലാണ് താരം പ്രത്യക്ഷപ്പെട്ടിരിക്കുന്നത്.
‘ആദ്യം അവിടെയുണ്ടായിരുന്നത് നിശബ്ദത മാത്രം
ശൂന്യത… വിശാലത… ഒന്നുമില്ലായ്മയുടെ കടല്‍
അതിനുശേഷം അവനുണ്ടായി
അവന്റെ ശക്തി, സാമര്‍ഥ്യം
പിന്നെ ആ സാന്നിധ്യം…
അത് ഒരു ദൈവത്തിന്റെ,
രാവിനെ കീറിമുറിക്കുന്ന പ്രഭാതത്തിന്റെ…
അതെ ഇരുളിന്റെ രാജാവ്… ഒരേയൊരു സ്രഷ്ടാവ്!’…ചിത്രം പങ്കുവച്ച് മമ്മൂട്ടിയുടെ വാക്കുകള്‍.
ജോയ് ആലുക്കാസ് ഗ്രൂപ്പിന്റെ സഹകരണത്തോടെ ചെയ്യുന്ന കലണ്ടറിലെ ചിത്രങ്ങള്‍ തയാറാക്കിയിരിക്കുന്നത് ഫാഷന്‍ മോങ്ഗറാണ്.
