കബീര്‍ പുഴമ്പ്രത്തിന്റെ സംവിധാനത്തില്‍ എത്തിയ ലാല്‍ജോസ് ചിത്രത്തിന് തിയേറ്ററുകളില്‍ നിന്നും മികച്ച പ്രതികരണങ്ങള്‍. ചിത്രം നിരാശപ്പെടുത്തിയില്ല എന്നാണ് പ്രേക്ഷകര്‍ പറയുന്നത്. പുതുമുഖങ്ങളെ അണിനിരത്തി ഒരുക്കിയ ചിത്രം ഫാമിലി എന്റര്‍ടെയ്‌നര്‍ ആയാണ് എത്തിയത്.
ചില സീനുകളില്‍ കരഞ്ഞു പോയെന്നും പ്രേക്ഷകര്‍ പറയുന്നു. സിനിമയെയും സിനിമ പ്രവര്‍ത്തകരെയും ആരാധിച്ചു നടക്കുന്ന ഒരു ചെറുപ്പക്കാരന്റെ ജീവിതത്തിലെ വഴിത്തിരിവാണ് ചിത്രം പറയുന്നത്. 666 പ്രൊഡക്ഷന്‍സിന്റെ ബാനറില്‍ ഹസീബ് മേപ്പാട്ട് ആണ് ചിത്രം നിര്‍മ്മിച്ചത്.
വെബ് സീരിസുകളിലൂടെ ശ്രദ്ധേയനായ നടന്‍ ശാരിഖ് ആണ് ചിത്രത്തില്‍ നായകന്‍. പുതുമുഖ നടി ആന്‍ ആന്‍ഡ്രിയ ആണ് നായിക. ഭഗത് മാനുവല്‍, ജെന്‍സണ്‍, റിസബാവ, കലിങ്ക ശശി, ടോണി, മജീദ്, വിനോദ് കെടാമംഗലം, സാലു കുറ്റനാട്, ദേവി അജിത്ത്, ദേവിക, മാളവിക, ഫജ്ത, രാജേഷ് ശര്‍മ്മ, വി.കെ. ബൈജു, ബാലതാരങ്ങളായ നിഹാര ബിനേഷ് മണി, ആദര്‍ശ് എന്നിവരും ചിത്രത്തില്‍ വേഷമിട്ടിട്ടുണ്ട്.
കുടുംബ പ്രേക്ഷകരെയും യൂത്തിനെയും ഒരുപോലെ ആകര്‍ഷിപ്പിക്കുന്ന ചിത്രം സംഗീതത്തിനും ഏറെ പ്രാധാന്യം നല്‍കിയാണ് എത്തിയത്. ധനേഷ് ഛായാഗ്രഹണവും ബിനേഷ് മണി സംഗീതവും ഒരുക്കുന്നു. പി.ആര്‍.ഒ. പി.ആര്‍. സുമേരന്‍.
Read more
