തമിഴകത്ത് വീണ്ടും സൂപ്പര്‍ഹിറ്റുകള്‍ സൃഷ്ടിക്കാന്‍ ഒരുങ്ങുകയാണ് ജ്യോതിക. സമുദ്രക്കനി, ശശികുമാര്‍ എന്നിവര്‍ക്കൊപ്പം പുതിയ ചിത്രത്തിനായി കൈകോര്‍ത്തിരിക്കുകയാണ് താരം. കഴിഞ്ഞ വെള്ളിയാഴ്ച ചിത്രം ഔദ്യോഗികമായി ലോഞ്ച് ചെയ്തു. ആര്‍ ശരവണന്‍ ഒരുക്കുന്ന ചിത്രത്തിന്റെ പേര് വെളിപ്പെടുത്തിയിട്ടില്ല.
സമുദ്രക്കനി, ശശികുമാര്‍ എന്നിവര്‍ക്കൊപ്പം ആദ്യമായാണ് താരം അഭിനയിക്കാനൊരുങ്ങുന്നത്. സൂര്യയും ലോഞ്ചിങ് ചടങ്ങില്‍ പങ്കെടുത്തിരുന്നു. 2ഡി എന്റര്‍ടെയിന്‍മെന്റ്‌സിന്റെ ബാനറില്‍ ഒരുക്കുന്ന ചിത്രത്തില്‍ ഡി ഇമ്മന്‍ ആണ് സംഗീതം ഒരുക്കുന്നത്. ഈ മാസം ചിത്രത്തിന്റെ ഷൂട്ടിങ് ആരംഭിക്കും. പുതുക്കോട്ടൈ, തഞ്ചാവൂര്‍ എന്നിവിടങ്ങളാണ് ലൊക്കേഷനുകള്‍.
Read more
“തമ്പി”, “പൊന്‍മകള്‍ വന്താല്‍” എന്നീ ചിത്രങ്ങളാണ് ജ്യോതികയുടെതായി റിലീസിനൊരുങ്ങുന്ന ചിത്രങ്ങള്‍. ജീത്തു ജോസഫ് ഒരുക്കുന്ന തമ്പിയില്‍ കാര്‍ത്തിയും ജ്യോതികയും സഹോദരങ്ങളായാണ് പ്രത്യക്ഷപ്പെടുക. നവാഗതനായ ജെ.ജെ. ഫെഡറിക് ഒരുക്കുന്ന ചിത്രമാണ് പൊന്‍മകള്‍ വന്താല്‍.
