അന്തരിച്ച ബോളിവുഡ് ഇതിഹാസം ദിലീപ് കുമാറിനെതിരെ വിദ്വേഷ പ്രചാരണവുമായി ബിജെപി നേതാവ്. ഹരിയാന ബി ജെ പി ഐ ടി ആന്റെ് സോഷ്യല് മീഡിയാ മേധാവി അരുണ്യാദവാണ് ദിലീപ് കുമാറിനെതിരെ വിദ്വേഷ പരാമര്ശം ട്വീറ്റ് ചെയ്തിരിക്കുന്നത്.
മുഹമ്മദ് യൂസഫ് ഖാന് എന്ന ദിലീപ് കുമാര് ഹിന്ദു പേരില് ധാരളം സാമ്പത്തിക നേട്ടം കൈവരിച്ചുവെന്നാണ് ഹരിയാന ബിജെപി നേതാവ പരാമര്ശം നടത്തിയത്. പരാമര്ശത്തിനെതിരെ ശിവസേന നേതാവും ബോളിവുഡ് താരവുമായ ഊര്മ്മിള മഡോത്ക്കര് ശക്തമായാണ് പ്രതികരിച്ചത്. “ഷെയിം ഓണ് യു” എന്ന് അണ്ലൈക്ക് ഇമോജിയും ചേര്ത്താണ് ഊര്മ്മിള മറുപടി നല്കിയത്.
ദിലീപ് കുമാറിന്റെ മരണത്തില് അനുശോചിച്ച് ചെയ്ത പോസ്റ്റിലാണ് വിദ്വേഷകരമായ വാക്കുകള് ഹരിയാന ബി ജെ പി ഉപയോഗിച്ചത്. മുഹമ്മദ് യൂസഫ് ഖാന് ഹിന്ദു പേരില് ധാരളം പണം സമ്പാദിച്ചുവെന്ന് എഴുതിയ വാചകത്തില് ബ്രാക്കറ്റിലാണ് ദിലീപ് കുമാറെന്ന് ചേര്ത്തിരിക്കുന്നത്.
Read more
ബി ജെ പിയുടെ വിദ്വേഷകരമായ പോസ്റ്റിനെതിരെ ശക്തമായി രംഗത്ത് എത്തിയതോടെ വിവിധ മേഖലകളില് നിന്നും പ്രതിഷേധവും ഉയര്ന്നു കഴിഞ്ഞു.