മമ്മൂട്ടിയെ നായകനാക്കി രമേശ് പിഷാരടി ഒരുക്കുന്ന ചിത്രമാണ് ഗാനഗന്ധര്വ്വന്. ചിത്രത്തിനായി വളരെ ആകാക്ഷയോടെയാണ് പ്രേക്ഷകര് കാത്തിരിക്കുന്നത്. അതിനാല് തന്നെ ചിത്രത്തിന്റേതായി പുറത്തിറങ്ങുന്ന ഓരോ വാര്ത്തകള്ക്കും പോസ്റ്ററുകള്ക്കും മറ്റും സോഷ്യല് മീഡിയയില് വന്സ്വീകാര്യതയാണ് ലഭിക്കുന്നത്. കഴിഞ്ഞ ദിവസം ചിത്രത്തിലെ മമ്മൂട്ടിയുടെ ചിത്രം പങ്കുവെച്ച് ഒരു സര്പ്രൈസ് ഉണ്ടെന്ന് പിഷാരടി അറിയിച്ചിരുന്നു. അത് എന്താണെന്ന് വ്യക്തമാക്കിയിരിക്കുകയാണ് പിഷാരടി.
ഗാനഗന്ധര്വ്വന്റെ ടീസറും ട്രെയിലറും വരുന്നു എന്നതായിരുന്നു പിഷാരടി കരുതിവെച്ചിരുന്ന സര്പ്രൈസ്. ടീസര് നാലാം തിയതി വൈകിട്ട് ഏഴുമണിയ്ക്ക് എത്തുമ്പോള് ട്രെയിലര് മമ്മൂട്ടിയുടെ ജന്മദിനമായ ഏഴാം തിയതി ഉച്ചയ്ക്ക് 12 ന് റിലീസ് ചെയ്യും. മമ്മൂട്ടിയുടെ പിറന്നാള് ദിനത്തില് ആരാധകര്ക്ക് ഇരട്ടിമധുരം പകരുന്നതാണിത്. മമ്മൂട്ടിയുടെ സോഷ്യല് മീഡിയ അക്കൗണ്ടുകള് വഴിയായിരിക്കും ടീസറും ട്രെയിലറും റിലീസ് ചെയ്യുക.
പഞ്ചവര്ണ്ണ തത്തയ്ക്ക് ശേഷം രമേശ് പിഷാരടി സംവിധാനം ചെയ്യുന്ന ചിത്രമാണ് “ഗാനഗന്ധര്വ്വന്”. ഗാനമേളകളില് പാടുന്ന കലാസദന് ഉല്ലാസ് എന്ന കഥാപാത്രത്തെയാണ് മമ്മുട്ടി ചിത്രത്തില് അവതരിപ്പിക്കുക. രമേശ് പിഷാരടിയും ഹരി പി നായരും ചേര്ന്നാണ് ചിത്രത്തിന്റെ രചന നിര്വഹിച്ചിരിക്കുന്നത്. മുകേഷ് , ഇന്നസെന്റ്, സിദ്ധിഖ്, സലിം കുമാര്, ധര്മജന് ബോള്ഗാട്ടി, ഹരീഷ് കണാരന്, മനോജ് കെ ജയന്, സുരേഷ് കൃഷ്ണ, മണിയന് പിള്ള രാജു, കുഞ്ചന്, അശോകന്, സുനില് സുഖദ, അതുല്യ, ശാന്തി പ്രിയ തുടങ്ങി വന്താരനിരയാണ് ചിത്രത്തിലുള്ളത്.
Read more
ശ്രീലക്ഷ്മി ആര്, ശങ്കര് രാജ് ആര്, രമേഷ് പിഷാരടി എന്നിവര് ചേര്ന്നാണ് ചിത്രം നിര്മ്മിക്കുന്നത്. അഴകപ്പന് ഛായാഗ്രഹണം നിര്വഹിക്കുന്ന ചിത്രത്തിന് സംഗീതമൊരുക്കുന്നത് ദീപക് ദേവാണ്.