കൊച്ചു മകളുടെ മുടി കെട്ടി സുന്ദരിയാക്കുന്ന ഉപ്പൂപ്പായുടെ മനോഹരമായ ചിത്രം പങ്കുവച്ച് ദുല്‍ഖര്‍ സല്‍മാന്‍. ഫാദേഴ്‌സ് ഡേയില്‍ ദുല്‍ഖര്‍ പങ്കുവച്ച ചിത്രം സോഷ്യല്‍ മീഡിയയില്‍ വൈറാലാകുന്നു. മകള്‍ കുഞ്ഞു മറിയത്തിന്റെ മുടി കെട്ടി കൊടുക്കുന്ന മമ്മൂട്ടിയുടെ ചിത്രമാണ് താരം പങ്കുവച്ചിരിക്കുന്നത്.
ഹാപ്പി ഫാദേഴ്‌സ് ഡേ എന്ന ക്യാപ്ഷനൊപ്പം നോ ക്യാപ്ഷന്‍ നീഡഡ്, പിക്‌ചേഴ്‌സ് സ്പീക്‌സ് തൗസന്‍ഡ് വേഡ്‌സ്, മൈ ബിഗ്ഗെസ്റ്റ് ജോയ്, മൈ ഫാതര്‍ മൈ ചൈല്‍ഡ് എന്നീ ഹാഷ്ടാഗുകളും ദുല്‍ഖര്‍ പങ്കുവച്ചിട്ടുണ്ട്.
ചിത്രത്തില്‍ നീട്ടി വളര്‍ത്തി കണ്ണട വച്ച മമ്മൂട്ടിയെയും കപ്പ് ചുണ്ടോട് ചേര്‍ത്ത് അനുസരണയോടെ ഇരിക്കുന്ന മറിയത്തെയും കാണാം. ഇതിലും മനോഹരമായ മറ്റേത് ചിത്രമാണ്, ഉപ്പൂപ്പയുടെ അതേ ഹെയര്‍ സ്റ്റൈല്‍ കൊച്ചു മകള്‍ക്കും പരീക്ഷിക്കുകയാണെന്ന കമന്റുകളും ചിത്രത്തിന് ലഭിക്കുന്നുണ്ട്.
ദുല്‍ഖറിന്റെയും അമാലിന്റെയും മകളായ മറിയം അമീറ സല്‍മാന്‍ എന്ന കുഞ്ഞ് മറിയത്തിന്റെ എല്ലാ ചിത്രങ്ങളും വിശേഷങ്ങളും സോഷ്യല്‍ മീഡിയയില്‍ വൈറലാകാറുണ്ട്. 2017 മെയ് 5ന് ആണ് ദുല്‍ഖറിനും അമാലിനും മറിയം ജനിച്ചത്.
Read more
