ദുല്‍ഖര്‍ സല്‍മാന്‍ ചിത്രം ‘കിംഗ് ഓഫ് കൊത്ത’ നാളെ തിയേറ്ററുകളിലേക്ക് എത്തുകയാണ്. ഇതിനിടെ ചിത്രത്തില്‍ ഒരു കാമിയോ റോളില്‍ ധ്രൂവ് വിക്രമും എത്തുമെന്നുള്ള റിപ്പോര്‍ട്ടുകളാണ് ഇപ്പോള്‍ പുറത്തുവരുന്നത്. കൊത്തയില്‍ ധ്രുവ് വിക്രമും അഭിനയിക്കുന്നുണ്ടോ എന്ന ചര്‍ച്ചയാണ് ഇപ്പോള്‍ ശ്രദ്ധ നേടുന്നത്.
കിംഗ് ഓഫ് കൊത്തയെ 1993ല്‍ ഇറങ്ങിയ ‘ധ്രുവം’ ചിത്രവുമായാണ് താരതമ്യം ചെയ്യുന്നത്. ജോഷിയുടെ സംവിധാനത്തില്‍ എത്തിയ ധ്രുവം സിനിമയില്‍ മമ്മൂട്ടി നായകനായപ്പോള്‍ സുരേഷ് ഗോപി ഒരു പ്രധാന കഥാപാത്രത്തെ അവതരിപ്പിച്ചു, ചിയാന്‍ വിക്രം അതിഥി വേഷത്തില്‍ പ്രത്യക്ഷപ്പെടുകയും ചെയ്തിരുന്നു.
കിംഗ് ഓഫ് കൊത്തയിലേക്ക് എത്തുമ്പോള്‍, ജോഷിയുടെ മകന്‍ അഭിലാഷ് ജോഷി ചിത്രം സംവിധാനം ചെയ്യുന്നു. മമ്മൂട്ടിയുടെ മകന്‍ ദുല്‍ഖര്‍ നായകനാവുന്നു, സുരേഷ് ഗോപിയുടെ മകന്‍ ഗോകുല്‍ സുരേഷ് പ്രധാന വേഷത്തിലെത്തുന്നു. ഇതുപോലെ ചിയാന്‍ വിക്രമിന്റെ മകന്‍ ധ്രുവ് വിക്രമും ചിത്രത്തിലുണ്ടാകും എന്നാണ് പ്രചാരണങ്ങള്‍.
Read more
എന്നാല്‍ ഈ പ്രചാരണങ്ങളിലോ റിപ്പോര്‍ട്ടുകളിലോ സിനിമയുടെ അണിയറപ്രവര്‍ത്തകര്‍ പ്രതികരിച്ചിട്ടില്ല. ചിത്രത്തിന്റെ അഡ്വാന്‍സ് ബുക്കിംഗ് തുടങ്ങിയത് മുതല്‍ ബുക്ക് മൈ ഷോയില്‍ ടിക്കറ്റ് വില്പനയില്‍ ട്രെന്‍ഡിംഗില്‍ നില്‍ക്കുകയാണ് കിംഗ് ഓഫ് കൊത്ത.
