സുരേഷ് ഗോപി, മുകേഷ്, ഇന്നസെന്റ് എന്നിങ്ങനെ നിരവധി മലയാളി സിനിമാ താരങ്ങള് രാഷ്ട്രീയത്തിലേക്ക് ചേക്കേറിയിട്ടുണ്ട്. എന്നാല് കേരള പീപ്പിള്സ് പാര്ട്ടി”എന്ന രാഷ്ട്രീയ പാര്ട്ടി ഉണ്ടാക്കിയാണ് ദേവന് വ്യത്യസ്തമായത്. എതിര്പ്പുകളെ മറികടന്ന് എന്തിന് വേണ്ടിയാണ് പാര്ട്ടി തുടങ്ങിയതെന്ന് കൗമുദി ടിവിക്ക് നല്കിയ അഭിമുഖത്തില് വെളിപ്പെടുത്തിയിരിക്കുകയാണ് ദേവന്.
“പാര്ട്ടി തുടങ്ങി ഒരു ആറ് മാസം കഴിഞ്ഞ് ദുബായില് പോയി. ഞാന് താമസിക്കുന്ന ഹോട്ടലിലേക്ക് എന്റെ ക്ലാസ്മേറ്റ്സ് അഞ്ചാറ് പേര് എന്നെ കാണാന് വന്നു. അവരൊക്കെ വലിയ വലിയ നിലകളില് ഇരിക്കുന്നവരാണ്. നീ എന്തിനാടാ പൊളിറ്റിക്കല് പാര്ട്ടി തുടങ്ങിയത് എന്ന് ചോദിച്ചു. ഞാന് പറഞ്ഞു ഒരു വേശ്യാലയം അല്ലാലോ തുടങ്ങിയത്. നിങ്ങള് എല്ലാവരും ചീത്തകാര്യം ചെയ്തപോലെയാണല്ലോ സംസാരിക്കുന്നത്. എന്ന് ഞാന് പറഞ്ഞു.
Read more
അപ്പോള് അവര് പറഞ്ഞു അതല്ലെടാ രാഷ്ട്രീയം ഒരു ചെളിക്കുണ്ടാണ് അതിനകത്ത് വീണാല് കുഴപ്പമാണെന്നൊക്കെ. അവര്ക്കറിയാം കോളേജ് ലൈഫില് സ്റ്റുഡന്റ് പൊളിറ്റിക്സില് ഞാന് പ്രവര്ത്തിച്ചിട്ടുണ്ടെന്ന്. ഞാന് പറഞ്ഞപ്പോള് അവര്ക്ക് മനസിലായി. ഒരാള് എഴുന്നേറ്റ് നിന്ന് ചോദിച്ചു എന്തുകൊണ്ടാണ് നിങ്ങള് പാര്ട്ടി രൂപീകരിച്ചതെന്ന്. കാരണം ഞാന് എന്റെ രാജ്യത്തെ സ്നേഹിക്കുന്നുവെന്ന് അവര്ക്ക് മറുപടി നല്കി. എല്ലാവരും കൈയടിച്ചു”-ദേവന് പറഞ്ഞു