സണ്ണി വെയ്ന് കേന്ദ്ര കഥാപാത്രമാകുന്ന ‘അപ്പന്’ ചിത്രത്തിന്റെ ഒഫീഷ്യല് പോസ്റ്റര് ശ്രദ്ധ നേടുന്നു. മലയോര ഗ്രാമത്തിലെ ഒരു അപ്പന്റെയും മോന്റെയും അവരുടെ കുടുംബത്തെയും സുഹൃത്തുക്കളെയും ചുറ്റിപ്പറ്റിയുള്ളതാണ് ചിത്രത്തിന്റെ കഥാപരിസരം.
റിയലിസ്റ്റിക് കോമഡികളുടെ സൂചന നല്കികൊണ്ടുള്ള ചിത്രത്തിന്റെ ട്രെയ്ലറിനും മികച്ച പ്രതികരണം ലഭിച്ചിരുന്നു. സാധാരണ കാണാറുള്ള കഥാപാത്രങ്ങളില് നിന്നും വ്യത്യസ്തമായി തനി നാട്ടിന് പുറത്തുകാരനായ കഥാപാത്രമായാണ് സണ്ണി വെയ്ന് ചിത്രത്തില് എത്തുന്നത്.
ടൈനി ഹാന്ഡ്സ് പ്രൊഡക്ഷന്സ് സണ്ണി വെയ്ന് പ്രൊഡക്ഷന്സുമായി ചേര്ന്നാണ് ചിത്രം നിര്മ്മിച്ചിരിക്കുന്നത്. 50 ദിവസം കൊണ്ടാണ് ചിത്രീകരണം പൂര്ത്തിയാക്കിയത്. ഫ്രഞ്ച് വിപ്ലവം’ എന്ന ചിത്രത്തിലൂടെ സംവിധായകനായി അരങ്ങേറിയ മജുവിന്റെ പുതിയ ചിത്രത്തിന്റെ തിരക്കഥ മജുവിനൊപ്പം ആര് ജയകുമാറും ചേര്ന്നാണ് ഒരുക്കിയത്.
സണ്ണി വെയ്ന് കൂടാതെ അനന്യ, ഗ്രേസ് ആന്റണി, പോളി വത്സന്, രാധിക രാധാകൃഷ്ണന്, അനില് കെ ശിവറാം, വിജിലേഷ്, ഉണ്ണി രാജ, അഷ്റഫ്, ദ്രുപദ് കൃഷ്ണ എന്നിവരും മറ്റു പ്രധാന വേഷങ്ങളില് എത്തുന്നുണ്ട്.
കുടുംബ പശ്ചാത്തലത്തില് കഥ പറയുന്ന തൊടുപുഴയില് വച്ചാണ് ഷൂട്ട് ചെയ്തത്. പപ്പു, വിനോദ് ഇല്ലമ്പള്ളി എന്നിവരാണ് ഛായാഗ്രഹണം. എഡിറ്റിംഗ് കിരണ് ദാസ്, സിങ്ക് സൗണ്ട് ലെനിന് വലപ്പാട്, സംഗീതം ഡോണ് വിന്സെന്റ്, എക്സിക്യൂട്ടീവ് പ്രൊഡ്യൂസര് ദീപു ജി പണിക്കര്.
മേക്കപ്പ് റോണെക്സ് സേവ്യര്, ആര്ട്ട് കൃപേഷ് അയ്യപ്പന്കുട്ടി, പ്രൊഡക്ഷന് കണ്ട്രോളര് ദീപക് പരമേശ്വരന്. വസ്ത്രാലങ്കാരം സുജിത്ത് മട്ടന്നൂര്, പ്രൊഡക്ഷന് എക്സിക്യൂട്ടീവ് പ്രസാദ്, ലൊക്കേഷന് മാനേജര് സുരേഷ്, സ്റ്റില്സ് റിച്ചാര്ഡ്, ജോസ് തോമസ്, പി.ആര്.ഒ മഞ്ജു ഗോപിനാഥ് എന്നിവരാണ്.