വെബ് സീരിസില്‍ അഭിനയിച്ചതോടെ ജീവിതം തകര്‍ന്നുവെന്ന പരാതിയുമായി മലപ്പുറംകാരിയായ യുവതിയും രംഗത്ത്. ഒ.ടി.ടി പ്ലാറ്റ്ഫോമിനും സംവിധായികയ്ക്കും എതിരെ യുവതി നേരത്തെ തിരുവനന്തപുരം സൈബര്‍ സെല്ലില്‍ പരാതി നല്‍കിയിരുന്നു. വീട്ടമ്മയായ തന്നെ സീരിയലില്‍ അഭിനയിപ്പിക്കാമെന്ന് പറഞ്ഞാണ് പറ്റിച്ചത് എന്ന് യുവതി പറയുന്നു.
ഭര്‍ത്താവും കുട്ടികളുമായി താമസിക്കുന്ന ഒരു സാധാരണ വീട്ടമ്മയായിരുന്നു. സീരിയല്‍ എന്ന് പറഞ്ഞാണ് അഭിനയിക്കാന്‍ എത്തിയത്. എന്നാല്‍ അതിന് പിന്നീടാണ് വെബ് സീരീസ് ആണെന്ന് അറിയുന്നത്. അതിനകം അവര്‍ കരാറില്‍ ഒപ്പു വപ്പിച്ചിരുന്നു. താല്‍പര്യമില്ലാതെയാണ് അഭിനയിച്ച് പൂര്‍ത്തിയാക്കിയത്.
എന്നാല്‍ അത് റിലീസ് ചെയ്തതോടെ ജീവിതം തകര്‍ന്ന അവസ്ഥയായി. ഇപ്പോള്‍ പുറത്തിറങ്ങി നടക്കാന്‍ കഴിയാത്ത അവസ്ഥയാണ്. ജോലിയ്ക്ക് പോകാന്‍ പറ്റില്ല. വീടില്ല, താനിപ്പോള്‍ റെയില്‍വേ സ്റ്റേഷനിലാണ് ഉറങ്ങുന്നത്. അതിനുള്ള കാരണക്കാരി ആ സംവിധായികയാണ്.
Read more
ഒരു പെണ്‍കുട്ടിയും സംവിധായികയുടെ ചതിയില്‍ വീഴാന്‍ പാടില്ല. അത് കൊണ്ടാണ് താന്‍ രംഗത്ത് വന്നത്. ആത്മഹത്യയുടെ വക്കില്‍ നിന്നാണ് സംസാരിക്കുന്നത് എന്നാണ് യുവതി പറയുന്നത്. അതേസമയം, കബളിപ്പിച്ച് അശ്ലീല വെബ് സീരിസില്‍ അഭിനയിപ്പിച്ചു എന്ന യുവാവിന്റെ പരാതിയില്‍ പൊലീസ് കേസെടുത്തിട്ടുണ്ട്.
