ഡ്രൈവിംഗ് ലൈസന്സ് ലഭിച്ചതിന്റെ സന്തോഷം പങ്കുവെച്ച് നടനും മിമിക്രി താരവുമായി സൂരജ്. ഏറെ നാളുകളായുള്ള തന്റെ ഏറ്റവും വലിയ സ്വപ്നം സാക്ഷാത്കരിച്ചതിന്റെ സന്തോഷത്തിലാണ് സൂരജ് ഇപ്പോള്. കാര് വാങ്ങി ഡ്രൈവിംഗ് പഠിച്ചെങ്കിലും സൂരജിന് ലൈസന്സ് ഉണ്ടായിരുന്നില്ല.
പൊക്കമില്ലായ്മയാണ് ലൈസന്സ് ലഭിക്കാന് സൂരജിന് വിലങ്ങു തടിയായത്. 125 സെന്റിമീറ്റര് ആണ് സൂരജിന്റെ ഉയരം. എന്നാല് പരിമിതികള് മറികടന്ന് ലൈസന്സ് സ്വന്തമാക്കിയിരിക്കുകയാണ് താരം. പെരിന്തല്മണ്ണ ആര്ടിഒ ഓഫീസില് നിന്നുമാണ് സൂരജ് ലൈസന്സ് നേടിയത്. കാറില് പ്രത്യേക സജ്ജീകരണങ്ങള് ഇതിനായി ഒരുക്കിയിരുന്നു.
പെരിന്തല്മണ്ണ ആര്ടിഓ ബിനോയ് വര്ഗീസ് സൂരജിന് ഡ്രൈവിംഗ് ലൈസന്സ് കൈമാറി. ആന്ഡ്രോയ്ഡ് കുഞ്ഞപ്പന് വേര്ഷന് 5.25 എന്ന സിനിമയില് മുഖം കാണിക്കാതെ റോബോട്ട് ആയി എത്തിയ സൂരജിന്റെ പ്രകടനം ഏറെ ശ്രദ്ധേയമായിരുന്നു. ടിവി ഷോകളിലും സജീവമാണ് താരം.
Read more
മിമിക്രി രംഗത്തു നിന്നും മിനിസ്ക്രീനിലെത്തുകയും തുടര്ന്ന് ബിഗ് സ്ക്രീനിലേക്ക് അരങ്ങേറ്റം കുറിക്കുകയുമായിരുന്നു സൂരജ്. ചാര്ളി, ഉദാഹരണം സുജാത, വിമാനം, ഒരു അഡാര് ലവ്, അമ്പിളി, എന്നോട് പറ ഐ ലവ് യു തുടങ്ങിയ നിരവധി സിനിമകളില് സൂരജ് അഭിനയിച്ചിട്ടുണ്ട്.