തന്റെ സിനിമകള്‍ കാണണ്ടെന്ന് കുടുംബത്തോട് പറഞ്ഞിട്ടുണ്ടെന്ന് സംവിധായകന്‍ ഒമര്‍ ലുലു. സിനിമകളിലും പ്രസ്താവനകളിലും ഡബ്ബിള്‍ മീനിംഗ് കോമഡികള്‍ വരുന്നതിനെ കുറിച്ച് സംസാരിക്കവെയാണ് സംവിധായകന്‍ ഇതിനെ കുറിച്ച് പറഞ്ഞത്.
തന്റെ കുടുംബത്തോട് തന്റെ സിനിമകള്‍ കാണേണ്ട എന്ന് പറഞ്ഞിട്ടുണ്ട്. പിന്നെ പപ്പ കാണാറില്ല. അതിനാല്‍ കുഴപ്പമില്ല. കുടുംബത്തിലെ ആരെങ്കിലും വിമര്‍ശിക്കുകയാണെങ്കില്‍ അവരോട് സിനിമ നിര്‍മ്മിക്കൂ, അവര്‍ക്ക് ഇഷ്ടപ്പെടുന്ന തരത്തില്‍ സിനിമ സംവിധാനം ചെയ്തു തരാമെന്ന് പറയും.
നിങ്ങള്‍ പറയുന്നത് പോലെ സിനിമ ചെയ്യാം പക്ഷെ നിങ്ങള്‍ സിനിമ നിര്‍മ്മിക്കുമോ എന്ന് അവരോട് ചോദിക്കും എന്നാണ് ഒമര്‍ ലുലു പറയുന്നത്. താന്‍ സംവിധാനം ചെയ്ത ചിത്രങ്ങളില്‍ നഷ്ടം വന്ന ചിത്രം ധമാക്കയാണെന്നും അതില്‍ വിഷമമുണ്ടെന്നും സംവിധായകന്‍ പറയുന്നുണ്ട്.
താന്‍ ചെയ്തതില്‍ ഏറ്റവും ലാഭമുണ്ടായ ചിത്രം അഡാര്‍ ലവ് ആയിരുന്നു. പുലുമുരുകനേക്കാളും ഡബ്ബില്‍ ലാഭമുണ്ടാക്കിയ ചിത്രമാണ് അഡാര്‍ ലവ് എന്നാണ് സംവിധായകന്‍ പറയുന്നത്. അഡാര്‍ ലവ്വ് വിജയിച്ച സമയത്ത് ചില പെണ്‍കുട്ടികള്‍ ചാന്‍സ് കിട്ടാന്‍ വേണ്ടി സെമി ന്യൂഡ് ചിത്രങ്ങള്‍ അയച്ചു തന്നിട്ടുണ്ടെന്ന് ഒമര്‍ ലുലു മുമ്പ് ഒരു അഭിമുഖത്തില്‍ പറഞ്ഞിട്ടുണ്ട്.
Read more
ഇതിനെ കുറിച്ചും സംവിധായകന്‍ സംസാരിക്കുന്നുണ്ട്. അവതാരകന്‍ ഈ സംഭവത്തെ കുറിച്ച് ചോദിച്ചപ്പോള്‍ അതേ എന്നായിരുന്നു ഒമര്‍ ലുലുവിന്റെ മറുപടി. ഓവര്‍ നൈറ്റ് സെന്‍സേഷന്‍ ആയിരുന്നു അതിനുള്ള കാരണമെന്നും ഒമര്‍ ലുലു ഒരു യൂട്യൂബ് ചാനലിന് നല്‍കിയ അഭിമുഖത്തില്‍ വ്യക്തമാക്കി.
