‘നിദ്ര’ എന്ന സിനിമയിലൂടെ അഭിനയത്തിലേക്ക് എത്തിയ നടിയാണ് മാളവിക മേനോന്‍. ചെറിയ വേഷങ്ങളില്‍ ആണെങ്കിലും മലയാളത്തിലെ സൂപ്പര്‍ സ്റ്റാര്‍കള്‍ക്കൊപ്പമെല്ലാം മാളവിക അഭിനയിച്ചിട്ടുണ്ട്. പൃഥ്വിരാജിന്റെ വലിയ ആരാധികയാണ് മാളവിക. പൃഥ്വിരാജിനൊടുള്ള ആരാധനയെ കുറിച്ചാണ് നടി ഇപ്പോള്‍ തുറന്നു പറഞ്ഞിരിക്കുന്നത്.
പൃഥ്വിരാജ് സിനിമയില്‍ വന്ന കാലം മുതല്‍ അദ്ദേഹത്തിന്റെ കടുത്ത ആരാധികയാണ് താന്‍. അന്നൊക്കെ രാജുച്ചേട്ടനെ കുറിച്ച് അനാവശ്യമായി ആരെങ്കിലും എന്തെങ്കിലും പറഞ്ഞാല്‍ താന്‍ വഴക്കുണ്ടാക്കും. നിദ്രയ്ക്ക് ശേഷം താന്‍ അഭിനയം മുന്നോട്ടു കൊണ്ടുപോകാന്‍ ഉദ്ദേശിച്ചിരുന്നില്ല.
പക്ഷേ, ഹീറോയില്‍ രാജുച്ചേട്ടന്റെ അനിയത്തിയാണ് എന്നറിഞ്ഞപ്പോള്‍ അദ്ദേഹത്തെ കാണാനാകുമല്ലോ എന്നു കരുതി പോയതാണ്. ആടുജീവിതത്തിന്റെ ഷൂട്ടിംഗിനിടെ ലോക്ഡൗണ്‍ കാരണം രാജുച്ചേട്ടന്‍ ജോര്‍ദാനില്‍ പെട്ടുപോയിരുന്നു.
അതുകഴിഞ്ഞ് തിരിച്ചെത്തിയപ്പോള്‍ താന്‍ സന്തോഷം കൊണ്ട് ഡാന്‍സ് ചെയ്ത വീഡിയോ സോഷ്യല്‍ മീഡിയയില്‍ പോസ്റ്റ് ചെയ്തിരുന്നു. അത് ശരിക്കും ഒരു ആരാധികയുടെ സന്തോഷം തന്നെയായിരുന്നു എന്നാണ് മാളവിക പറയുന്നത്. സിദ്ധാര്‍ഥ് ഭരതന്റെ നിദ്ര തന്റെ തലവര മാറ്റിയെന്ന് മാളവിക പറയുന്നുണ്ട്.
Read more
2012ല്‍ ആണ് നിദ്ര എന്ന സിനിമയില്‍ അഭിനയിക്കുന്നത്. സിദ്ധു ചേട്ടന്‍ തന്റെ ഫെയ്‌സ്ബുക് സുഹൃത്തായിരുന്നു. ഒരു ദിവസം സിനിമയെ കുറിച്ച് പുള്ളി തനിക്ക് മെസേജ് അയച്ചു. താല്‍പര്യമുണ്ടെങ്കില്‍ സെറ്റിലേക്ക് വരാന്‍ പറഞ്ഞു. ഇക്കാര്യം താന്‍ വീട്ടില്‍ പറഞ്ഞപ്പോള്‍ അമ്മയ്ക്കും അച്ഛനും താല്‍പര്യമായി. അങ്ങനെ സെറ്റില്‍ പോയി എന്നാണ് മാളവിക പറയുന്നത്.
