നടിമാരിൽ പലരെയും പോലെ ചെറുപ്പം മുതൽ തന്നെ ഒരു അഭിനേത്രിയാകാൻ താൻ ആഗ്രഹിച്ചിരുന്നില്ലെന്ന് പറയുകയാണ് നടി മീര നന്ദൻ. ദി മജ്‌ലിസ് ഷോയ്ക്ക് നൽകിയ അഭിമുഖത്തിലാണ് നടി ഇക്കാര്യം പറഞ്ഞത്. റേഡിയോ ജോക്കി എന്നത് തന്റെ ദീർഘകാല അഭിനിവേശമായിരുന്നുവെന്നും മീര പറഞ്ഞു.

‘ഞാൻ കലയെ സ്നേഹിക്കാൻ തുടങ്ങി. ക്യാമറയ്ക്ക് മുന്നിൽ ഞാൻ ചെയ്യുന്ന കാര്യങ്ങളെയും സ്നേഹിക്കാൻ തുടങ്ങി’ നടി വെളിപ്പെടുത്തി. റേഡിയോ ജോക്കി എന്നത് തന്റെ ദീർഘകാല അഭിനിവേശമായിരുന്നുവെന്നും മീര പറഞ്ഞു. ‘ഒരിക്കൽ, ഒരു അവാർഡ് ദാന ചടങ്ങിൽ, കരീന കപൂറിനേക്കാൾ കൂടുതൽ കൈയ്യടികൾ ഏറ്റവും മികച്ച ആർ‌ജെക്ക് ലഭിച്ചു. ആ അനുഭവം എനിക്ക് വേണം’ മീര കൂട്ടിച്ചേർത്തു.

ലാൽ ജോസ് സംവിധാനം ചെയ്ത ‘മുല്ല’ എന്ന ചിത്രത്തിലൂടെ മലയാള സിനിമയിൽ അരങ്ങേറ്റം കുറിച്ച നായികയാണ് മീര നന്ദൻ. പിന്നീട് പുതിയ മുഖം, കേരള കഫെ, ഏൽസമ്മ എന്ന ആൺകുട്ടി, സീനിയേഴ്സ്, അപ്പോത്തീക്കിരി, മല്ലു സിങ് എന്നീ സിനിമകളിലൂടെ മികച്ച പ്രകടനം കാഴ്ചവെച്ച് മലയാളികളുടെ പ്രിയപ്പെട്ട നായികമാരുടെ കൂട്ടത്തിലേക്ക് മീര നന്ദനും കയറിക്കൂടുകയായിരുന്നു.

പക്ഷേ പിന്നീട് സിനിമയിൽ നിന്നും ഇടവേളയെടുത്ത മീര നന്ദനെ പറ്റി യാതൊരു വിവരങ്ങളും ഇല്ലായിരുന്നു. സിനിമാ നായികയായി വന്ന് റേഡിയോ ജോക്കിയായാണ് പിന്നീട് തന്റെ കരിയർ മീര മുന്നോട്ട് കൊണ്ടുപോയത്. ശേഷം ലണ്ടനിൽ നിന്നുള്ള മലയാളിയായ ശ്രീജുവുമായി കഴിഞ്ഞ വര്ഷം മീരയുടെ വിവാഹവും കഴിഞ്ഞു.