സിനിമയില്‍ ശ്രദ്ധിക്കപ്പെട്ട് വരുന്നതിനിടെ താന്‍ നേരിട്ട മാനസിക വെല്ലുവിളിയെ പറ്റി തുറന്നു പറഞ്ഞ് നടി ഇല്യാന ഡിക്രൂസ്. ശരീര ഭംഗിയെ പറ്റി അനിയന്ത്രിതമായി ആശങ്കപ്പെടുന്ന ബോഡി ഡിസ്‌മോര്‍ഫിക് ഡിസോര്‍ഡര്‍ എന്ന മാനസികാവസ്ഥയ്ക്ക് അടിമപ്പെട്ടിരുന്നെന്നു താനെന്നായിരുന്നു ഇല്യാനയുടെ വെളിപ്പെടുത്തല്‍.
2017 ല്‍ വേള്‍ഡ് കോണ്‍ഗ്രസ് ഓഫ് മെന്റല്‍ ഹെല്‍ത്ത് എന്ന പരിപാടിയായിരുന്നു ഇല്യാന ഇതേപറ്റി തുറന്നു പറഞ്ഞത്. ബോഡി ഡിസ്‌മോര്‍ഫിക് ഡിസോഡറും വിഷാദ രോഗവും തന്നെ ബാധിച്ചിരുന്നെന്ന് ഇല്യാന വെളിപ്പെടുത്തി.
തന്റെ അമ്മയാണ് ഈ പ്രതിസന്ധി ഘട്ടത്തില്‍ തനിക്കൊപ്പം നിന്ന് സഹായിച്ചതെന്നും ഈ അവസ്ഥയില്‍ നിന്നും പുറത്തു കടക്കല്‍ എളുപ്പമായിരുന്നില്ലെന്നും ഇല്യാന പറഞ്ഞു. ‘എല്ലാ ദിവസവും ഒരു പ്രക്രിയയാണ്, ഓരോ ദിവസവും സ്വയം സുഖപ്പെടുന്നതിനും മെച്ചപ്പെടുന്നതിനുമുള്ള ഘട്ടമാണ്. നിങ്ങള്‍ ഒരു മനുഷ്യനാണ്. അപൂര്‍ണനാവാന്‍ അനുവദിക്കപ്പെട്ടിരിക്കുന്നു. നിങ്ങളുടെ അപൂര്‍ണതകളിലും സൗന്ദര്യം ഉണ്ട്,’ ഇല്യാന ഡിക്രുസ് പറഞ്ഞതിങ്ങനെ.
Read more
സ്വന്തം ശരീരത്തെ പറ്റി അനാവശ്യമായി ആകുലപ്പെടുന്ന അവസ്ഥയാണ് ബോഡി ഡിസ്‌മോര്‍ഫിക് ഡിസോര്‍ഡര്‍. കണ്ണാടിയില്‍ എപ്പോഴും നോക്കുകയും ശരീരത്തിലെ ചെറിയ മാറ്റങ്ങളിലും കുറവുകളിലും വിഷമിക്കുകയും ചെയ്യുന്ന മാനസികാവസ്ഥയാണിത്.
