തന്റെ ഏറ്റവും വലിയ ഫാന്‍ ഗേള്‍ മകള്‍ മറിയം ആണെന്ന് ദുല്‍ഖര്‍ സല്‍മാന്‍. മകള്‍ ജനിച്ചതോടെ ജീവിതത്തില്‍ ഒരുപാട് മാറ്റങ്ങള്‍ വന്നതായി ദുല്‍ഖര്‍ പറഞ്ഞിരുന്നു. എവിടെ പോയാലും വീട്ടിലേക്ക് വേഗം തിരിച്ചെത്താനായി ശ്രമിക്കാറുണ്ട് എന്നും പറഞ്ഞിരുന്നു.
മിക്ക അഭിമുഖങ്ങളിലും കുഞ്ഞുമറിയത്തെ കുറിച്ചുള്ള ചോദ്യങ്ങള്‍ക്ക് ദുല്‍ഖര്‍ മറുപടി പറയാറുണ്ട്. കുഞ്ഞുമറിയത്തിന്റെ സംശയങ്ങള്‍ക്ക് മറുപടി കൊടുക്കാനായി താന്‍ ഇപ്പോള്‍ തന്റെ തന്നെ ഫിലിമിയോഗ്രാഫി ഗൂഗിള്‍ ചെയ്യാറുണ്ട് എന്നാണ് ദുല്‍ഖര്‍ ഇപ്പോള്‍ പറയുന്നത്.
മകളോടൊപ്പം കുറച്ച് സമയം മാത്രമാണ് ചിലവഴിക്കാനാവുന്നത്. അമാല്‍ ആണ് അവളുടെ കാര്യങ്ങളെല്ലാം നോക്കുന്നത്. അവള്‍ സ്ട്രിക്ടാക്കിയാണ് നിര്‍ത്തുന്നത്. താന്‍ വന്നാല്‍ അതെല്ലാം കളയാറുണ്ട്. മറിയത്തിനൊപ്പമായി ചേച്ചിയുടെ മക്കളുമുണ്ട്. അവരെല്ലാം ഒന്നിച്ച് കളിക്കുന്നത് കണ്ടോണ്ടിരിക്കാന്‍ നല്ല രസമാണ്.
രണ്ടാമത്തെ സിനിമ ഏതാണ്, ആ പാട്ട് ഏത് ചിത്രത്തിലേതാണ് എന്നൊക്കെയാണ് ഇടയ്ക്ക് മറിയം ചോദിക്കാറുള്ളത്. ഇതൊന്നും താന്‍ ഓര്‍ത്തിരിക്കുന്ന കാര്യങ്ങളല്ല. അതിനാല്‍ താന്‍ ഗൂഗിളില്‍ നോക്കിയാണ് ഉത്തരങ്ങള്‍ കണ്ടെത്തുന്നത്. തന്റെ സിനിമകളിലെ പാട്ടുകളെല്ലാം അവള്‍ കേള്‍ക്കാറുണ്ട്.
Read more
ഇപ്പോള്‍ സീതാരാമത്തിലെ പാട്ടാണ് കേള്‍ക്കുന്നത്. തന്റെ ഏറ്റവും വലിയ ഫാന്‍ ഗേള്‍ ആണ് മകളെന്ന് പറഞ്ഞപ്പോള്‍ അതെയെന്ന് പറഞ്ഞ് ശരി വെക്കുകയായിരുന്നു ദുല്‍ഖര്‍. അതിരാവിലെ ജിമ്മില്‍ പോവുകയും വൈകുന്നേരങ്ങളില്‍ മകളോടൊപ്പം സമയം ചിലവഴിക്കുകയുമാണ് ചെയ്യാറ് എന്നാണ് ദുല്‍ഖര്‍ പറയുന്നത്.
