മനു പിള്ള, ശരണ്യ എന്നിവരെ കേന്ദ്ര കഥാപാത്രങ്ങളാക്കി ജാക്കി എസ്. കുമാര് സംവിധാനം ചെയ്യുന്ന ചിത്രമാണ് ടു സ്റ്റേറ്റ്സ്. പ്രണയവും ഒളിച്ചോട്ടവും പ്രമേയമായ കോമഡി ഫാമിലി എന്റര്ടെയ്നാറാണ് ചിത്രം എത്തുന്നത്. ആളുകളെ ഏറ്റവും നന്നായി ചിരിപ്പിക്കുക എന്ന ലക്ഷ്യത്തോടെ കഥ പറയുന്ന ഒരു സിനിമ എന്നാണ് ചിത്രത്തെ കുറിച്ച് മനു പിള്ള വ്യക്തമാക്കുന്നത്.
“”പൂര്ണമായൊരു കോമഡി എന്റര്ടെയ്നറായിരിക്കും 2 സ്റ്റേറ്റ്സ്. ആളുകളെ ഏറ്റവും നന്നായി ചിരിപ്പിക്കുക എന്ന ലക്ഷ്യത്തോടെ കഥ പറയുന്ന ഒരു സിനിമ. രണ്ട് സംസ്ഥാനങ്ങളിലുള്ളവര് പ്രണയിക്കുന്നതും തുടര്ന്നുണ്ടാകുന്ന സംഭവങ്ങളുമാണ് ചിത്രത്തില് പറയുന്നത്. ഞാന് ആദ്യമായി നായകവേഷത്തിലെത്തുന്ന ചിത്രമാണ്. മുകേഷേട്ടനും കുട്ടേട്ടനും (വിജയരാഘവന്) ആണ് മറ്റ് പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്”” എന്നാണ് മനു ചിത്രത്തെ കുറിച്ച് ഒരു അഭിമുഖത്തില് വ്യക്തമാക്കുന്നത്.
Read more
മുകേഷ്, വിജയരാഘവന്, ഇന്ദ്രന്സ്, കോട്ടയം പ്രദീപ്, സൂരജ്, അരുള് പാണ്ഡ്യന് എന്നിവരും ചിത്രത്തില് പ്രധാന വേഷത്തിലെത്തുന്നു. റിനൈസന്സ് പിക്ചേഴ്സിന്റെ ബാനറില് നൗഫല്. എം. തമീമും സുള്ഫിക്കര് കലീലുമാണ് ചിത്രം നിര്മിക്കുന്നത്. ഛായാഗ്രഹണം സഞ്ജയ് ഹാരിസ്, പ്രശാന്ത് കൃഷ്ണ. ചിത്രം നാളെ തിയേറ്ററുകളിലെത്തും.
