2005ല്‍ പുറത്തിറങ്ങിയ ‘ഗജിനി’ സിനിമയും അതേ പേരില്‍ എത്തിയ ചിത്രത്തിന്റെ ഹിന്ദി റീമേക്കും ഹിറ്റ് ആയിരുന്നു. സൂര്യയും അസിനുമാണ് തമിഴില്‍ കേന്ദ്ര കഥാപാത്രങ്ങളെ അവതരിപ്പിച്ചത്. ബോളിവുഡില്‍ അസിനൊപ്പം ആമിര്‍ ഖാന്‍ ആണ് നായകനായി എത്തിയത്.
എന്നാല്‍ തമിഴ് പതിപ്പ് കണ്ട ആമിര്‍ റീമേക്കില്‍ സല്‍മാന്‍ ഖാനെ നായകനാക്കണം എന്നായിരുന്നു ആവശ്യപ്പെട്ടത്. ചിത്രത്തിന്റെ സംവിധായകന്‍ എ.ആര്‍ മുരുഗദോസ് ആണ് ഇക്കാര്യം ഇപ്പോള്‍ തുറന്നു പറഞ്ഞിരിക്കുന്നത്. ആമിര്‍ തന്നെ ചെയ്യണമെന്ന് താരത്തെ ബോധ്യപ്പെടുത്തിയതിനെ കുറിച്ചും സംവിധായകന്‍ പറയുന്നുണ്ട്.
നല്ല പൗരുഷമുള്ള ശരീരമാണ് സല്‍മാന്റേത്. അതില്‍ ടാറ്റൂ ചെയ്യാം, ആ ശരീരം വെച്ച് ആക്ഷന്‍ രംഗങ്ങള്‍ ചെയ്യാം. ആ സമയത്ത് ആമിര്‍ ചെയ്തിരുന്നത് കുറച്ച് സോഫ്റ്റായ വേഷങ്ങളാണ്. ഗജിനി സല്‍മാന്‍ ചെയ്തിരുന്നെങ്കില്‍ അത് അദ്ദേഹം അഭിനയിക്കുന്ന വെറും ആക്ഷന്‍ സിനിമ മാത്രമായി പോകുമായിരുന്നു.
എന്നാല്‍ ആമിര്‍ ചെയ്താല്‍ പ്രേക്ഷകര്‍ക്ക് അതൊരു സര്‍പ്രൈസ് ആകും. ഇത് കേട്ടതോടെയാണ് ഗജിനി ചെയ്യാമെന്ന് ആമിര്‍ സമ്മതിച്ചത് എന്നാണ് സംവിധായകന്‍ പറയുന്നത്. ഇന്ത്യയില്‍ നിന്ന് മാത്രം 100 കോടി കളക്റ്റ് ചെയ്ത ആദ്യ ബോളിവുഡ് ചിത്രമായിരുന്നു ഗജിനി.
Read more
ആഗോളതലത്തില്‍ 232 കോടിയാണ് കളക്ഷന്‍ ആണ് ചിത്രം നേടിയത്. 2008ല്‍ ആണ് ഹിന്ദി റീമേക്ക് പുറത്തിറങ്ങിയത്. ക്രിസ്റ്റഫര്‍ നോളന്റെ ‘മെമെന്റോ’ എന്ന ചിത്രത്തില്‍ നിന്ന് പ്രചോദനമുള്‍ക്കൊണ്ട് മുരുഗദോസ് ഒരുക്കിയ ചിത്രമാണ് ഗജിനി.
