ബോളിവുഡിലെ അടുത്ത സുഹൃത്തുക്കളാണ് സല്മാന് ഖാനും സുസ്മിത സെന്നും. നിരവധി സിനിമകളിലും ഇരുവരും ഒന്നിച്ച് അഭിനയിച്ചിട്ടുണ്ട്. ഒന്നിച്ച് എത്തിയ സിനിമയുടെ ഷൂട്ടിംഗിനിടെ ഉണ്ടായ ഒരു അനുഭവമാണ് സുസ്മിത ഇപ്പോള്‍ പങ്കുവച്ചിരിക്കുന്നത്. സല്മാന് സുസ്മിതയേക്കാള്‍ പൊക്കം കുറവായതിനാല്‍ നടിയോട് ഹീല്‍സ് ധരിക്കരുത് എന്ന് ആവശ്യപ്പെട്ടതിനെ കുറിച്ചാണ് സുസ്മിത പറയുന്നത്.
അടുത്തിടെ നല്‍കിയ ഒരു അഭിമുഖത്തിലായിരുന്നു സുസ്മിത ഇക്കാര്യം വെളിപ്പെടുത്തിയത്. ”ബീവി നമ്പര്‍ 1 എന്ന ചിത്രത്തിന്റെ ഷൂട്ടിംഗിനിടെ സംവിധായകന്‍ ഡേവിഡ്, ‘സുഷ് ഹീല്‍ ധരിക്കരുതെന്ന്’ പറയുമായിരുന്നു. അതുകൊണ്ട് ഞാന്‍ ഫ്‌ലാറ്റ് ചെരുപ്പുകളാണ് ധരിക്കാറുള്ളത്.”
”എന്നാല്‍ ഇതുകണ്ട് സല്മാന് ‘ഇത്ര നല്ല വസ്ത്രമായിട്ട് നിങ്ങള്‍ എന്തിനാ ഈ സാധാ ചെരുപ്പ് ധരിക്കുന്നത്’ എന്ന ചോദിക്കുമായിരുന്നു. നിങ്ങള്‍ക്ക് ഉയരം കുറവായതിനാല്‍ എനിക്ക് ഹീല്‍സ് ധരിക്കാന്‍ കഴിയില്ല എന്ന് ഞാന്‍ ആദ്ദേഹത്തോട് പറയും.”
”അപ്പോള്‍ ചിരിച്ചുകൊണ്ട് ‘നീ ഹീല്‍സ് ധരിച്ചോ’ എന്ന് സല്മാന് പറയും. അദ്ദേഹത്തിന്റെ ആ വാക്കുകള്‍ പുരോഗമനപരമാണ് എന്നാണ് ഞാന്‍ കരുതുന്നത്. ഞാന്‍ എപ്പോഴും ആസ്വദിക്കുന്നതും ഇഷ്ടപ്പെടുന്നതുമായ സല്‍മാനെ കുറിച്ചുള്ള ഒരു ഓര്‍മ്മയാണത്” എന്നാണ് സുസ്മിത സെന്‍ പറയുന്നത്.
Read more
അതേസമയം, ബീവി നമ്പര്‍ 1 മാത്രമല്ല, ‘സിര്‍ഫ് തും’, ‘മേ നേ പ്യാര്‍ കിയാ’, ‘തും കോ നാ ഭൂല്‍ പായേ’, ‘ഫാല്‍തു’, ‘ദഹേക്’ തുടങ്ങിയ സിനിമകളില്‍ സല്‍മാനും സുസ്മിതയും ഒന്നിച്ച് അഭിനയിച്ചിട്ടുണ്ട്. നിലവില്‍ വെബ് സീരിസുകളുമായി തിരക്കിലാണ് സുസ്മിത. ആര്യ എന്ന വെബ് സീരിസ് താരത്തിന് ഏറെ ശ്രദ്ധ നേടിക്കൊടുത്തിരുന്നു.
