ലോകപ്രശസ്ത ഫാഷന്‍ ഇവന്റുകളില്‍ ഒന്നായ മെറ്റ്ഗാലയിലെ ഇത്തവണത്തെ മുഖ്യ ആകര്‍ഷണങ്ങളില്‍ ഒന്നായിരുന്നു ഷാരൂഖ് ഖാന്‍. സബ്യസാചി മുഖര്‍ജി ഒരുക്കിയ വേഷത്തില്‍ അതീവ സ്റ്റൈലിഷ് ആയാണ് ഷാരൂഖ് ഖാന്‍ മെറ്റ് ഗാലയില്‍ എത്തിയത്. ഷാരൂഖിന്റെ മെറ്റ് ഗാല ലുക്ക് പങ്കുവച്ച് ബോളിവുഡ് നടന്‍ രാഘവ് ജുയല്‍ കുറിച്ച വാക്കുകളാണ് ഇപ്പോള്‍ ശ്രദ്ധ നേടുന്നത്.
ഷാരൂഖിന് നന്ദി പറഞ്ഞു കൊണ്ടാണ് രാഘവിന്റെ കുറിപ്പ്. ഇത്രയും കാലം മെറ്റ് ഗാല അതിസമ്പന്നരുടെ ഹലോവീന്‍ പാര്‍ട്ടി ആണെന്ന് ആയിരുന്നു താന്‍ കരുതിയിരുന്നത് എന്നാണ് രാഘവ് പറയുന്നത്. ”നന്ദിയുണ്ട് ഷാരൂഖ് സാര്‍. നിങ്ങള്‍ കാരണം കോടിക്കണക്കിന് ആളുകള്‍ (ഈ ഗ്രഹത്തിലെ പകുതിയിലധികം പേരും) ഒടുവില്‍ മെറ്റ് ഗാല എന്ന് വിളിക്കപ്പെടുന്ന പരിപാടി സത്യമാണെന്ന് അറിഞ്ഞു.”
View this post on Instagram
”സത്യം പറഞ്ഞാല്‍ മെറ്റ് ഗാല അതിസമ്പന്നരുടെ ഹലോവീന്‍ പാര്‍ട്ടി ആണെന്ന് ആയിരുന്നു ഇതുവരെ ഞാന്‍ കരുതിയിരുന്നത്” എന്നാണ് രാഘവ് ജുയല്‍ കുറിച്ചിരിക്കുന്നത്. അതേസമയം, ബ്ലാക്ക് തീമിലുള്ള സബ്യസാച്ചി വസ്ത്രത്തില്‍ അങ്ങേയറ്റം സ്റ്റൈലിഷ് ആയാണ് കിങ് ഖാന്‍ മെറ്റ് ഗാലയില്‍ എത്തിയത്.
സബ്യസാച്ചിയുടെ തന്നെ നിരവധി ആഭരണങ്ങള്‍ക്ക് പുറമെ കെ എന്നെഴുതിയ ലോക്കറ്റും താരം ധരിച്ചിരുന്നു. സ്റ്റൈല്‍ സ്റ്റേറ്റ്‌മെന്റായി കൈയിലൊരു വാക്കിംഗ് സ്റ്റിക്കും ഷാരൂഖ് കരുതിയിരുന്നു. ഷാരൂഖിനെ കൂടാതെ പ്രിയങ്ക ചോപ്ര, കിയാര അദ്വാനി, ദില്‍ജിത്ത് ദൊസാഞ്ജ് എന്നിവരും 2025 മെറ്റ് ഗാലയില്‍ പങ്കെടുത്തിരുന്നു.
Read more
