ആനന്ദ് എല്. റായിയുടെ രാഝന എന്ന ചിത്രത്തിലൂടെയായിരുന്നു ധനുഷിന്റെ ബോളിവുഡ് അരങ്ങേറ്റം. ഇപ്പോഴിതാ ആനന്ദിന്റെ മറ്റൊരു ചിത്രത്തിലൂടെ വീണ്ടും ധനുഷ് ബോളിവുഡിലേക്ക് എത്തുകയാണ്. പുതിയ ചിത്രത്തില് ഹൃത്വിക് റോഷനും സാറ അലി ഖാനും മൊപ്പമാണ് ധനുഷും പ്രധാന വേഷത്തിലെത്തുന്നത്.
ഇതാദ്യമായാണ് ഋത്വിക് റോഷന്, സാറാ അലിഖാന് എന്നിവര്ക്കൊപ്പം ആനന്ദ് എല്. റായ് ഒന്നിക്കുന്നത്. ചിത്രത്തിന്റെ പേരോ കഥയോ കഥാപാത്രങ്ങളുടെ കൂടുതല് വിവരങ്ങളോ അണിയറപ്രവര്ത്തകര് ഇതുവരെ പുറത്തു വിട്ടിട്ടില്ല. ആരുടെ നായികയായാവും സാറാ എത്തുന്നതെന്നും വ്യക്തമല്ല. ചിത്രത്തിന്റെ കൂടുതല് വിവരങ്ങള് ഉടന് തന്നെ പ്രഖ്യാപിക്കുമെന്ന് ആനന്ദ് എല്. റായ് പറഞ്ഞു.
Read more
കളര് യെല്ലോ ഫിലിംസ് ആണ് ചിത്രം നിര്മ്മിക്കുന്നത്. അസുരനാണ് ധനുഷിന്റെ പുതിയ തമിഴ് ചിത്രം. അസുരനില് മഞ്ജു വാര്യരാണ് നായിക. ഗണിത ശാസ്ത്രജ്ഞന് ആനന്ദ് കുമാറിന്റെ ജീവിതത്തെ ആസ്പദമാക്കി ഒരുക്കിയ സൂപ്പര് 30 യാണ് ഏറ്റവും ഒടുവില് പുറത്തിറങ്ങിയ ഹൃത്വിക് ചിത്രം.