കാജോളുമായുള്ള ചുംബന രംഗത്തെ കുറിച്ച് പറഞ്ഞ് നടന്‍ അലൈ ഖാന്‍. അജയ് ദേവഗണ്‍ പ്രൊഡക്ഷന്‍സ് നിര്‍മ്മിക്കുന്ന ‘ഗുഡ് വൈഫ്’ എന്ന സീരിസില്‍ അഭിനയിച്ചപ്പോഴുള്ള അനുഭവമാണ് അലൈ ഖാന്‍ പങ്കുവച്ചത്. അജയ് സെറ്റില്‍ വരാത്ത ദിവസമാണ് ചുംബന രംഗം ചിത്രീകരിച്ചത് എന്നാണ് അലൈ ഖാന്‍ ഇപ്പോള്‍ പറയുന്നത്.
സീരിസില്‍ കാജോളിന്റെ മുന്‍ കാമുകന്‍ ആയാണ് അലൈ ഖാന്‍ എത്തുന്നത്. ഇവര്‍ വീണ്ടും പ്രണയത്തിലാവുകയും അത് ഒരു ചുംബന രംഗത്തിലൂടെ കാണിക്കുകയും ചെയ്യുന്നുണ്ട്. തിരക്കഥയില്‍ അങ്ങനെ ഒരു രംഗം എഴുതിയിട്ടുണ്ട് എങ്കില്‍ അത് ചെയ്യണം എന്ന നിര്‍ബന്ധം സംവിധായകന് ഉണ്ടായിരുന്നു.
സെറ്റില്‍ എല്ലാ ദിവസവും അജയ് ദേവ്ഗണ്‍ വരും. അദ്ദേഹം വരാത്ത ഒരു ദിവസമാണ് ആ രംഗം ചിത്രീകരിച്ചത്. അതൊരു സ്മൂച്ച്, ഒരു ഫ്രഞ്ച് ചുംബനമായിരുന്നു. ഷൂട്ടിംഗിന് മുമ്പ് താനും കജോളും എങ്ങനെ ആ രംഗം അവതരിപ്പിക്കാന്‍ പോകുന്നുവെന്ന് വിശദമായി ചര്‍ച്ച ചെയ്തിരുന്നു.
രണ്ട് അഭിനേതാക്കളും അവരുടെ കംഫര്‍ട്ട് സോണില്‍ നിന്ന് കൊണ്ട് അഭിനയിക്കേണ്ടത് കൊണ്ട് അന്നത്തെ ദിവസം സെറ്റില്‍ റസ്ട്രിക്ഷന്‍ ഉണ്ടായിരുന്നു. കുറച്ച് ആളുകള്‍ മാത്രമാണ് സെറ്റില്‍ ഉണ്ടായിരുന്നത്, അടച്ചിട്ട സെറ്റില്‍ വച്ചാണ് ചിത്രീകരിച്ചത്.
Read more
ആ രംഗം ചെയ്യുമ്പോള്‍ നാണക്കേട് ഒന്നും തോന്നിയിരുന്നില്ല. അത്രയേറെ പ്രൊഫഷണലിസത്തോടെയാണ് ചെയ്തത്. മൂന്ന് നാല് തവണ റിഹേഴ്സല്‍ ചെയ്തതിന് ശേഷം എടുത്തതു കൊണ്ട് ഒറ്റ ഷോട്ടില്‍ തന്നെ പെര്‍ഫക്ട് ആയിരുന്നു എന്നാണ് അലൈ ഖാന്‍ പറഞ്ഞത്.
