അസിം പ്രേംജി സർവ്വകലാശാലയുടെ ബംഗളൂരു ക്യാമ്പസിൽ അടുത്ത അധ്യായന വർഷം ആരംഭിക്കുന്ന നാല് വർഷ ബിരുദ പ്രോഗ്രാമുകളിലേക്ക് അപേക്ഷകൾ സമര്‍പ്പിക്കേണ്ട അവസാന തീയതി ഇന്ന്
ബി. എ ഹോണേഴ്സ്എക്കണോമിക്സ് / ഇംഗ്ലീഷ് / ഹിസ്റ്ററി / ഫിലോസഫി / സോഷ്യൽസയൻസ്, ബി.എസ്.സി. ഹോണേഴ്സ്ബയോളജി / കെമിസ്ട്രി / മാത്തമാറ്റിക്സ് / ഫിസിക്സ് / എൻവയോൺമെൻറൽ സയൻസ് ആൻഡ് സസ്റ്റെയ്നബിലിറ്റി, ബി.എസ്.സി.ബി.എഡ് ബയോളജി / കെമിസ്ട്രി / മാത്തമാറ്റിക്സ് / ഫിസിക്സ് എന്നിവയാണ് കോഴ്‌സുകൾ. പുതുതലമുറയ്ക്കു കൃത്യതയാർന്നതും ചിട്ടയോടുകൂടിയതുമായ വിഷയ പഠനം, തൊഴിൽ മേഖലയിൽ പ്രാവിണ്യം നേടാൻ സഹായിക്കുന്ന ഇൻറേൺഷിപ്പുകളോടുകൂടിയ അന്തർ വൈജ്ഞാനിക പഠന സമീപനം, ആധുനിക ലോകക്രമവുമായി ഫലപ്രദമായി ഇടപെടാനുള്ള ശേഷി വികസിപ്പിച്ചെടുക്കാൻ സഹായകമായ തരത്തിൽ രൂപകൽപ്പന ചെയ്തിരിക്കുന്ന കോഴ്‌സുകൾ, സവിശേഷ താല്പര്യമേഖലകളിൽ സ്വതന്ത്രമായ അന്വേഷണം നടത്താൻ അനുവദിക്കുന്ന ക്രെഡിറ്റ് സിസ്റ്റം തുടങ്ങിയ സംയോജിതമായ നാല് ഘടകങ്ങൾ ഉൾക്കൊള്ളുന്നു എന്നതാണ് ഈ ബിരുദ പ്രോഗ്രാമുകളുടെ പ്രത്യേകത.
Read more
2023 ജൂലൈയിലാണു ക്ലാസുകൾ ആരംഭിക്കുക. അപേക്ഷകൾ ലഭിക്കേണ്ട അവസാന തിയതി 2023 മാർച്ച് 9. വിശദ വിവരങ്ങൾക്ക് www.azimpremjiuniversity.edu.in/ug , Mobile: 8971889988 എന്നിവയിൽ ബന്ധപ്പെടുക.
