ഇന്ത്യയില് വളരുമ്പോള് ചുറ്റും കാണുന്നതും അനുഭവിക്കുന്നതും എന്റര്ടെയ്ന്മെന്റാണ്. നമ്മുടെ രാജ്യം മനോഹരവും വൈവിദ്ധ്യവുമായ കഥകളാലും കഥാഖ്യാതാക്കളാലും ആ കഥകള്ക്ക് ജീവനേകുന്ന ക്രൂവിനാലും സമ്പന്നമാണ്. ഈ കഥകള്ക്ക് ജീവനേകാന് പോന്ന അഭിനേതാക്കളും നമുക്ക് ധാരാളമായുണ്ട്.
നമ്മെ എല്ലാം ഒരുമിപ്പിക്കുന്ന തരത്തിലുള്ള കഥകള് പറയാന് ഇഷ്ടപ്പെടുന്ന ആളുകളാണ് നെറ്റ്ഫ്ളിക്സില് ഉള്ളത്. നിങ്ങള് ഇഷ്ടപ്പെടുന്ന ഇന്ത്യന് സൃഷ്ടാക്കള് ആധികാരികതയോടെ പറയുന്ന സിനിമകളും സീരീസുകളും ധാരാളം നെറ്റ്ഫ്ളിക്ക്സില് ഉണ്ട്. എല്ലാവരും ഇഷ്ടപ്പെടുന്ന ഒരു കഥയെ എങ്ങനെ തിരിച്ചറിയും? അതിന് കഴിയില്ല. നാം ഓരോരുത്തര്ക്കും നമ്മുടേതായ ഇഷ്ടങ്ങളും മൂഡുകളുമുണ്ട്, നാം എല്ലാം ആഗ്രഹിക്കുന്നത് സ്ക്രീനില് നമ്മുടെ ജീവിതം പ്രതിഫലിക്കണമെന്നാണ്.
മുമ്പ് ഉണ്ടായിരുന്നതിനേക്കാള് ഏറെ വ്യത്യസ്തതയും വൈവിദ്ധ്യവുമാണ് ഞങ്ങളുടെ വരാനിരിക്കുന്ന ലൈന്അപ്പുകളില് ഉള്ളത്. വലിയ സിനിമകളും സീരീസുകളും മുതല് ഡോക്യൂമെന്ററികളും റിയാലിറ്റി, ബോള്ഡ് കോമഡി ഫോര്മാറ്റുകള് വരെ ഇതിലുണ്ട്. രാജ്യത്തിന്റെ എല്ലാ കോണുകളില് നിന്നുമുള്ള 40 ശക്തമായ കഥകളാണ് ഞങ്ങള് ഇന്ത്യയില് നിങ്ങള്ക്ക് മുന്നില് അവതരിപ്പിക്കുന്നത്.
ബോംബെ ബീഗംസ്, അജീബ് ദാസ്താന്സ്, പാഗ്ലെയ്റ്റ്, മീനാക്ഷി സുന്ദരേശ്വര്, പെന്റ്ഹൗസ് ധനുഷിന്റെ ജഗമേ തന്തിരം, തപ്സി പന്നുവിന്റെ ഹസീന് ദില്രൂപ, കാര്ത്തിക് ആര്യന്റെ ധമാക്ക, അര്ജ്ജുന് കപൂര്, നീനാ ഗുപ്ത എന്നിവരുടെ സര്ദാര് കാ ഗ്രാന്ഡ്സണ്, ആര് മാധവന്റെ ഡീകപ്പിള്ഡ്, ഫീല്സ് ലൈക് ഇഷ്ക് തുടങ്ങിയവയാണ് ഉടന് റിലീസാകുന്ന സിനിമകളും സീരീസുകളും.
രവീണാ ടണ്ടന്റെ മിസ്റ്ററി ത്രില്ലര് ആര്യങ്ക്, യേ കാലി കാലി ആങ്കേന്, കോട്ടാ ഫാക്റ്ററി, കപില് ശര്മ്മയുടെ കോമഡി പരിപാടി, മാധുരി ദിക്ഷിതിന്റെ ഫൈന്ഡിംഗ് അനാമിക തുടങ്ങിയവയും നിങ്ങളെ കാത്തിരിക്കുന്നു.
Read more
വരാനിരിക്കുന്ന സിനിമകളുടെയും സീരീസുകളുടെയും ചെറിയൊരു ആമുഖം മാത്രമാണിത്. ഇന്ത്യയില് നിന്നുള്ള ഏറ്റവും മികച്ച സൃഷ്ടാക്കളില് നിന്നുള്ള സമ്പന്നവും വ്യത്യസ്തവുമായ കഥകള് ലോകത്ത് മുന്നില് അവതരിപ്പിക്കുന്നതില് ഞങ്ങള്ക്ക് അതിയായ ആകാംക്ഷയുണ്ട്.