മറ്റു രാജ്യങ്ങളുമായുള്ള തന്റെ വ്യാപാര യുദ്ധങ്ങൾ ഇനിയും അവസാനിച്ചിട്ടില്ലെന്ന ഭീഷണിയുമായി അമേരിക്കൻ പ്രസിഡന്റ് ഡൊണാൾഡ് ട്രംപ്. മാന്ദ്യം നേരിടുന്ന ലോക സാമ്പത്തിക രംഗം ഇത് കൂടി നേരിടേണ്ടി വരുമെന്ന മുന്നറിയിപ്പും അദ്ദേഹം നൽകുന്നു.
യൂറോപ്പിൽ നിന്ന് ഇറക്കുമതി ചെയ്യുന്ന 1100 കോടി ഡോളറിന്റെ ഉത്പന്നങ്ങൾക്ക് ഇറക്കുമതി തീരുവ ഉയർത്തുമെന്നതാണ് ട്രംപിന്റെ പുതിയ ഭീഷണി. ഹെലികോപ്റ്റർ മുതൽ ചീസ് വരെയുള്ള ഉത്പന്നങ്ങൾക്ക് തീരുവ കൂട്ടാനാണ് അമേരിക്കയുടെ പുതിയ നീക്കം.
Read more
അമേരിക്കയുമായുള്ള വ്യാപാരത്തിൽ യൂറോപ്യൻ യൂണിയൻ വലിയ നേട്ടങ്ങൾ ഉണ്ടാക്കിയിട്ടുണ്ട്. ഇത് ഉടനടി അവസാനിപ്പിച്ചേ പറ്റൂ – ട്രംപ് പറഞ്ഞു. ജപ്പാൻ , ചൈന തുടങ്ങിയ രാജ്യങ്ങൾക്കെതിരെയും അമേരിക്ക കടുത്ത നിലപാട് തുടരുകയാണ്. ഇന്ത്യക്കെതിരെയും പല ഉത്പന്നങ്ങളുടെ കാര്യത്തിലും യു. എസ് തീരുവ ഉയർത്തിയിട്ടുണ്ട്. ഇന്ത്യ തിരിച്ചും ഇത്തരം നടപടി സ്വീകരിച്ചിട്ടുണ്ട്. ചൈനയും അമേരിക്കയുമായി സംഭാഷണം തുടരുമ്പോൾ ജപ്പാൻ സംഘം ചർച്ചകൾക്കായി അടുത്ത ആഴ്ച വാഷിംഗ്ടണിലെത്തുന്നുണ്ട്. കാനഡ, മെക്സിക്കോ തുടങ്ങിയ രാജ്യങ്ങളും അമേരിക്കയുടെ വ്യാപാര യുദ്ധ ഭീഷണിയുടെ നിഴലിലാണ്. ലോകം നേരിടുന്ന സാമ്പത്തിക മാന്ദ്യത്തിന്റെ ഒരു പ്രധാന കാരണവും ഇതാണ്.
