2021-22 സാമ്പത്തിക വര്ഷം അവസാനിച്ചപ്പോള് രാജ്യത്തെ വാഹന വിപണി നേട്ടത്തിന്റെ പാതയിലാണ്. ബജറ്റ് ഹാച്ച്ബാക്കുകള് മുതല് ഒരു കോംപാക്റ്റ് എസ്യുവി വരെ 2021-2022 സാമ്പത്തിക വര്ഷത്തില് വിറ്റഴിക്കപ്പെട്ടു. അവയില് ഏറ്റവും കൂടുതല് വിറ്റഴിക്കപ്പെട്ട അഞ്ച് കാറുകളെ പരിചയപ്പെടാം.
മാരുതി സുസുക്കി വാഗണ് ആര്
ഇന്ധനവില കുതിച്ചുയരാന് തുടങ്ങിയതിനെ തുടര്ന്ന് ഏറ്റവും വിറ്റഴിക്കപ്പെടുന്ന വാഹനമാണ് വാഗണ് ആര്. സിഎന്ജി ഓപ്ഷന് ആവശ്യമുള്ളവര്ക്കിടയില് വാഗണ് ആര് എന്നും ഒരു ജനപ്രിയ ചോയിസാണ്. 2021ല് ഇതേ കാലയളവില് 54,650 യൂണിറ്റ് വില്പ്പനയുമായി താരതമ്യം ചെയ്യുമ്പോള് ഹാച്ച്ബാക്ക് 59,637 യൂണിറ്റ് വില്പ്പന രേഖപ്പെടുത്തി, ഇതിലൂടെ ഒമ്പത് ശതമാനം വളര്ച്ചയാണ് രേഖപ്പെടുത്തിയിരിക്കുന്നത്. കമ്പനി അടുത്തിടെ രാജ്യത്ത് 2022 വാഗണ് ആര് പുറത്തിറക്കിയിരുന്നു.
മാരുതി സുസുക്കി സ്വിഫ്റ്റ്
എല്ലാ തലമുറയിലുള്ള കാര് പ്രേമികള്ക്കും ഇഷ്ടമുള്ള ഒരു ചോയിസാണ് മാരുതി സുസുക്കി സ്വിഫ്റ്റ്. 12 ശതമാനം ഇടിവ് രേഖപ്പെടുത്തിയെങ്കിലും രാജ്യത്ത് ഏറ്റവും കൂടുതല് വിറ്റഴിക്കപ്പെടുന്ന രണ്ടാമത്തെ മോഡലായി സ്വിഫ്റ്റ് ഉയര്ന്നു. കഴിഞ്ഞ വര്ഷം ഈ കാലയളവില് 59,158 യൂണിറ്റ് വില്പ്പനയാണ് നടത്തിയിരുന്നത്. 21-22 സാമ്പത്തിക വര്ഷത്തിന്റെ നാലാം പാദത്തില് 51,933 യൂണിറ്റുകള് വിറ്റു.
മാരുതി സുസുക്കി ഡിസയര്
പട്ടികയിലെ മൂന്നാമനാണ് ഇത്. ഡിസയര് കോംപാക്ട് സെഡാന് കഴിഞ്ഞ വര്ഷം ഇതേ കാലയളവിലെ 38,460 യൂണിറ്റ് വില്പ്പനയെ അപേക്ഷിച്ച് 51,028 യൂണിറ്റ് വില്പ്പനയുമായി 33 ശതമാനം വളര്ച്ച രേഖപ്പെടുത്തി. നേരത്തെ മാര്ച്ചില്, ഡിസയര് സിഎന്ജി അവതരിപ്പിച്ചിരുന്നു.
ടാറ്റ നെക്സോണ്
ഈ ലിസ്റ്റിലെ ഒരേയൊരു മാരുതി സുസുക്കി ഇതര മോഡലാണ് നെക്സോണ്. കഴിഞ്ഞ പാദത്തില് ഇന്ത്യയില് ടാറ്റ മോട്ടോഴ്സിന്റെ ബെസ്റ്റ് സെല്ലറാണ് നെക്സോണ്. രാജ്യത്ത് ഏറ്റവും കൂടുതല് വിറ്റഴിക്കപ്പെടുന്ന നാലാമത്തെ മോഡലും കോംപാക്റ്റ് എസ്യുവി തന്നെയാണ്. കഴിഞ്ഞ വര്ഷം ഈ കാലയളവിലെ 24,837 യൂണിറ്റ് വില്പ്പനയുമായി താരതമ്യം ചെയ്യുമ്പോള് 22 സാമ്പത്തിക വര്ഷത്തിന്റെ നാലാം പാദത്തില് ടാറ്റ നെക്സോണ് 63 ശതമാനം വളര്ച്ച രേഖപ്പെടുത്തി.
മാരുതി സുസുക്കി ബലേനോ
Read more
അഞ്ചാം സ്ഥാനക്കാരനാണ് ബലെനോ. 2022 ജനുവരി മുതല് മാര്ച്ച് വരെ കമ്പനി 33,881 യൂണിറ്റ് ബലെനോകളാണ് രാജ്യത്ത് വിറ്റത്. 2021ല് ഇതേ കാലയളവില് 57,937 യൂണിറ്റായിരുന്നു വില്പന. 42 ശതമാനം ഇടിവാണ് ഇക്കുറി രേഖപ്പെടുത്തിയത്. ഫെബ്രുവരി 23നാണ് പുതുക്കിയ മോഡല് രാജ്യത്ത് അവതരിപ്പിച്ചത്.