രാജ്യത്തെ യുവാക്കളുടെ മര്‍ദ്ദനം ഏറ്റുവാങ്ങാന്‍ ശരീരം കരുത്തുറ്റത്താക്കുമെന്ന് പ്രധാനമന്ത്രി നരേന്ദ്രമോദി. രാജ്യത്തെ തൊഴിലില്ലായ്മ പരിഹരിച്ചില്ലെങ്കില്‍ പ്രധാനമന്ത്രിക്ക് യുവാക്കളുടെ മര്‍ദ്ദനമേല്‍ക്കേണ്ടി വരുമെന്ന രാഹുല്‍ ഗാന്ധിയുടെ വിമര്‍ശനത്തിന് മറുപടി പറയുകയായിരുന്നു മോദി.
ആറുമാസത്തിനുള്ളില്‍ യുവാക്കള്‍ മോദിയെ വടിയെടുത്ത് തല്ലുമെന്ന് ഒരു കോണ്‍ഗ്രസ് നേതാവ് പറയുന്നത് കഴിഞ്ഞ ദിവസം കേട്ടു. ഈ ആറുമാസം കൂടുതല്‍ സൂര്യനമസ്‌കാരം ചെയ്യും. യുവാക്കളുടെ മര്‍ദ്ദനം ഏറ്റുവാങ്ങാന്‍ ശരീരം കരുത്തുറ്റത്താക്കുമെന്നും പ്രധാനമന്ത്രി രാഹുലിന് മറുപടി നല്‍കി.
PM Modi in Lok Sabha: I heard a Congress leader say yesterday that youth will hit Modi with sticks in 6 months. I have decided that I will increase my frequency of “Surya Namaskar” so that my back becomes so strong that it can bear the hit of so many sticks. pic.twitter.com/DvQ2HjXjvy
— ANI (@ANI) February 6, 2020
കഴിഞ്ഞ 20 വര്‍ഷമായി ഇത്തരം മര്‍ദ്ദനങ്ങള്‍ നേരിട്ടു കൊണ്ടിരിക്കുകയാണെന്നും പ്രധാനമന്ത്രി കൂട്ടിച്ചേര്‍ത്തു. ബുധനാഴ്ച ഡല്‍ഹിയില്‍ നടന്ന റാലിയെ അഭിസംബോധന ചെയ്തുകൊണ്ടാണ് യുവാക്കളുടെ മര്‍ദ്ദനം പ്രധാനമന്ത്രി ഏറ്റുവാങ്ങേണ്ടി വരുമെന്ന് രാഹുല്‍ ഗാന്ധി പറഞ്ഞത്.
Read more
“രാജ്യത്തെ തൊഴിലില്ലായ്മ പ്രശ്നം പരിഹരിക്കാതിരുന്നാല്‍ അടുത്ത ആറുമാസത്തിനുള്ളില്‍ യുവാക്കള്‍ തന്നെ വടി കൊണ്ട് അടിക്കും. പ്രധാനമന്ത്രി ഇപ്പോള്‍ പ്രസംഗങ്ങള്‍ നടത്തുന്നുണ്ട്, എന്നാല്‍ ആറുമാസത്തിനു ശേഷം അദ്ദേഹത്തിന് വീട് വിടാന്‍ പോലും കഴിയില്ല” എന്നായിരുന്നു രാഹുലിന്റെ പ്രസംഗം.
