കാറ്റലോണിയ സ്വതന്ത്രവാദം സങ്കീര്ണമായിക്കൊണ്ടിരിക്കെ ബാഴ്സലോണ ആരാധകരെ കൂടുതല് ആശങ്കയിലാക്കി മെസ്സിയുടെ കരാര്. സ്പാനിഷ് ഭരണകൂടത്തില് നിന്നും സ്വാതന്ത്ര്യം ആവശ്യപ്പെട്ട് നടത്തുന്ന പ്രക്ഷോപം കാറ്റലന് ക്ലബ്ബായ ബാഴ്സലോണയെ ബാധിച്ചാല് ഫ്രീ ട്രാന്സ്ഫറില് ക്ലബ്ബ് മാറാമെന്ന വ്യവസ്ഥ മെസ്സിയുടെ റിലീസ് ക്ലോസിലുണ്ടെന്ന് സ്പാനിഷ് മാധ്യമം മാര്ക്ക റി്പ്പോര്ട്ട് ചെയ്തു.
കാറ്റലോണിയ സ്പെയിനില് നിന്നും സ്വതന്ത്രമായാല് ബാഴ്സലോണയ്ക്ക് സ്പാനിഷ് ലീഗില് തുടരാന് സാധിക്കില്ല. അതേസമയം, സ്വാതന്ത്ര്യത്തിന് ശേഷം ഇംഗ്ലീഷ് പ്രീമിയര് ലീഗ്, ഫ്രഞ്ച് ലീഗ്, ജര്മന് ലീഗ് എന്നിവയില് ബാഴ്സലോണ തുടരുകയാണെങ്കില് മെസ്സി ക്ലബ്ബില് തന്നെ തുടരുമെന്ന് എല് മുണ്ടോ പത്രത്തെ ഉദ്ധരിച്ച് മാര്ക്ക റിപ്പോര്ട്ട് ചെയ്യുന്നു.
Read more
നിലവില് മെസ്സിക്ക് 700 മില്ല്യന് യൂറോയാണ് റിലീസ് ക്ലോസായി ബാഴ്സലോണ വെച്ചിരിക്കുന്നത്. എന്നാല്, കാറ്റലോണിയന് സ്വാതന്ത്ര്യവാദം ക്ലബ്ബിനെ ബാധിച്ചാല് റിലീസ് ക്ലോസില്ലാതെ മെസ്സിക്കു മറ്റു ക്ലബ്ബുകളില് ചേക്കാറാന് സാധിക്കും.