ഐഎസ്എല്ലില്‍ ജയമില്ലാതെ വലയുന്ന കേരള ബ്ലാസ്റ്റേഴ്‌സില്‍ അഭിപ്രായ വ്യത്യാസങ്ങളും തലപൊക്കുന്നു. മലയാളി താരം സഹല്‍ അബ്ദുസമദാണ് കോച്ചിനെതിരെ ആദ്യ വെടിപൊട്ടിച്ചിരിയ്ക്കുന്നത്. മുംബൈയ്‌ക്കെതിരെ മത്സരത്തില്‍ തന്നെ സബ്സ്റ്റിറ്റ്യൂട്ട് ചെയ്യാനുള്ള കോച്ച് എല്‍കോ ഷട്ടോരിയുടെ തീരുമാനമാണ് സഹലിനെ പ്രകോപിപ്പിച്ചിരിക്കുന്നത്.
“രണ്ടാം പകുതിയില്‍ കോച്ച് തന്നെ പിന്‍വലിച്ചതില്‍ നിരാശയുണ്ട്. ഗോള്‍ അടിച്ചതിന് ശേഷം ടീമിന്റെ ഭാഗത്ത് നിന്നുണ്ടായ അശ്രദ്ധയാണ് സമനില ഗോള്‍ വഴങ്ങാന്‍ ഇടയാക്കിയത്. തന്റെ പ്രകടനത്തില്‍ ഇനി എന്തെങ്കിലും മെച്ചപ്പെടാനുണ്ടെന്ന് തോന്നുന്നില്ല” സഹല്‍ പറഞ്ഞതായി സമകാലിക മലയാളം റിപ്പോര്‍ട്ട് ചെയ്യുന്നു
മുംബൈ സിറ്റിക്കെതിരെ മത്സരത്തിന്റെ 63-ാം മിനിറ്റിലാണ് പരിശീലകന്‍ സഹലിനെ പിന്‍വലിക്കുന്നത്. പകരം സ്ട്രൈക്കര്‍ സാമുവലിനെ ഇറക്കി. എന്നിട്ടും മത്സരം സമനിലയില്‍ കലാശിക്കുകയായിരുന്നു.
Read more
മത്സരത്തില്‍ 75-ാം മിനിറ്റില്‍ മെസിയിലൂടെയാണ് ബ്ലാസ്റ്റേഴ്സ് വല കുലുക്കിയത്. രണ്ട് മിനിറ്റിനുള്ളില്‍ ചെര്‍മിറ്റിയുടെ ഗോളിലൂടെ മുംബൈ സമനില പിടിച്ചു. ഇതോടെ ഏഴ് കളിയില്‍ നിന്ന് ഒരു ജയവും മൂന്ന് സമനിലയും മൂന്ന് തോല്‍വിയുമോടെ ആറ് പോയിന്റുമായി പോയിന്റ് ടേബിളില്‍ എട്ടാം സ്ഥാനത്താണ് ബ്ലാസ്റ്റേഴ്സ്.
