അര്ജന്റീന ലോകകപ്പ് ജയിച്ചതിൻറെ ആവേശം ഇപ്പോളും അര്ജന്റീന ആരാധകരുടെ ഉള്ളിൽ നിന്ന് പോയിട്ടില്ല. അന്നത്തെ ആ രാത്രിയും പെനാൽറ്റിയും ടെൻഷനുമൊന്നും അവരുടെ ജീവിതത്തിൽ അത്ര എളുപ്പത്തിൽ അവർ മറക്കുമെന്നും തോന്നുന്നില്ല. ഒരുപാട് വർഷമായി നേരിടുന്ന കളിയാക്കലുകൾക്ക് അവർ മറുപടി കൊടുത്ത രീതി കൈയടി അർഹിക്കുന്നതാണ്. എന്തായലും അർജന്റീനക്ക് പല മത്സരങ്ങളിലും ലഭിച്ച പെനാൽറ്റികളാണ് അവരെ വിജയത്തിന് സഹായിച്ചതെന്ന വാദം പറയുന്നവർ ഉണ്ട്. പെനാൽറ്റിയിലൂടെ നേടിയ വിജയം എന്നാണ് അവർ കളിയാക്കി പറയുന്നത്.
അമേരിക്കയുടെ ഫുട്‍ബോൾ ടീം നായകൻ ടൈലർ ആഡംസിനോട് ഒരു മാധ്യമപ്രവർത്തകൻ ചോദിച്ച ചോദ്യത്തിന് അദ്ദേഹം നൽകിയ മറുപടി പല അര്ജന്റീന ആരാധകർക്കും ഇഷ്ടപ്പെട്ടില്ല. മാധ്യപ്രവർത്തകൻ ഇങ്ങനെ ചോദിച്ചു- ഒരു ദിവസം അമേരിക്കയ്ക്ക് ലോകകപ്പ് നേടാനാകുമെന്ന് നിങ്ങൾ കരുതുന്നുണ്ടോ? താരം പറഞ്ഞ മറുപടി ഇങ്ങനെ- ലോകകപ്പിൽ 5 പെനാൽറ്റികൾ ലഭിച്ചിരുന്നെങ്കിൽ ഞങ്ങളും ചാമ്പ്യന്മാരാകുമായിരുന്നു.
Read more
അർജന്റീനയെ ട്രോളി പറഞ്ഞ ഈ ഡയലോഗിന് വലിയ വിമർശനങ്ങൾ ഉയരുന്നുണ്ട്. ഗോളിലേക്കുള്ള യാത്രയിൽ കിട്ടിയ ഫൗളിനൊടുവിലാണ് പെനാൽറ്റികൾ കിട്ടിയതെന്നും അത് അർഹത ഉള്ളതാണെന്നും പറയുന്ന കൂടെ പെനാൽറ്റി കിട്ടണമെങ്കിൽ മിനിമം ബോക്സ് വരെ എങ്കിലും എത്തണമെന്നുമുള്ള ഡയലോഗുമായി അര്ജന്റീന ആരാധകരും ചേർന്നതോടെ സംഭവത്തെ എന്തായാലും വൈറലായി.
