അത്ഭുതങ്ങൾ സംഭവിച്ചില്ല, ഗോവയിൽ കേരള ബ്ലാസ്റ്റേഴ്സിന് എഫ് സി ഗോവയുടെ മുന്നിൽ തോൽവി. കളിയിൽ ഉടനീളം തകർത്ത് കളിച്ച ഗോവ കേരളത്തെ ഏകപക്ഷിയമായ ഒരു ഗോളിനാണ് തോൽപ്പിച്ചത്. കേരള ഗോൾകീപ്പർ സച്ചിന്റെ മികവ് ഇല്ലായിരുന്നെങ്കിൽ ടീമിന്റെ പരാജയത്തിന്റെ ഭാരം ഇതിലും കൂടുമായിരുന്നു. ആദ്യ പകുതിയുടെ അധിക സമയത്ത് റൗളിൻ ബോർജസാണ് ഗോവയുടെ വിജയഗോൾ നേടിയത്.
കളിയുടെ തുടക്കം മുതൽ ഗോവൻ ആധിപത്യമാണ് കണ്ടത്. കേരളം താരങ്ങളെ ഓരോരുത്തരെയും നന്നായി പഠിച്ചാണ് ഗോവ കളത്തിൽ ഇറങ്ങിയത് . ആയതിനാൽ തന്നെ ബ്ലാസ്റ്റേഴ്സിന്റെ പദ്ധതികൾ ഒന്നും തന്നെ കളത്തിൽ കണ്ടില്ല. മറ്റ് ടീമുകൾക്ക് എതിരെ സീസണിൽ കളിച്ച പോലെ ഒരു മികവ് ബ്ലാസ്റ്റേഴ്സിന് കാണിക്കാൻ ആയില്ല. തുടക്കം മുതൽ അവസാനം വരെ ഗോവൻ ആധിപത്യം ആയിരുന്നു കണ്ടത്. പ്രതിരോധവും മധ്യനിരയും പ്രതിരോധവും എല്ലാം പൂർണ മികവിൽ ആയിരുന്നു.
ബ്ലാസ്റ്റേഴ്‌സ് പ്രതിരോധം പലവട്ടം പരീക്ഷിക്കപെട്ടു. ഇതിനിടയിൽ മുന്നിൽ എത്താൻ കിട്ടിയ സുവർണാവസരം പെപ്ര കളഞ്ഞുകുളിച്ചതോടെ ബ്ലാസ്റ്റേഴ്‌സ് തളർന്നു. ആദ്യ പകുതിയുടെ അധിക സമയത്ത് കിട്ടിയ ഫ്രീകിക്കിന് കാലുവെച്ച റൗളിന് ബ്ലാസ്റ്റേഴ്‌സ് പ്രതിരോധത്തിന്റെ അലസ സമീപനം മുതലെടുത്ത് ഗോൾ അടിക്കുക ആയിരുന്നു.
Read more
രണ്ടാം പകുതിയിലും നന്നായി തന്നെ കളിച്ച ഗോവ കൂടുതൽ ഗോൾ അടിക്കുമെന്ന് തോന്നിച്ചു. പലപ്പോഴും പ്രതിരോധവും സച്ചിനും രക്ഷകരാകുന്ന കാഴ്ചയും കാണാൻ സാധിച്ചു. ബ്ലാസ്റ്റേഴ്‌സ് മുന്നേറ്റങ്ങൾ ആകട്ടെ മിസ് പാസുകളിൽ കലാശിച്ചതോടെ ടീം തോൽവി ഉറപ്പിച്ചു.
