ഈ വർഷം നടക്കാൻ പോകുന്ന ഫിഫ ലോകകപ്പിന് മുൻപുള്ള സൗഹൃദ മത്സരത്തിൽ നിന്നും പോർച്ചുഗൽ ഇതിഹാസം ക്രിസ്റ്റ്യാനോ റൊണാൾഡോ പുറത്ത്. പരിക്ക് കാരണം വിശ്രമത്തിൽ തുടരുന്ന പോർച്ചുഗലിന്റെ ക്യാപ്റ്റനുമായ ക്രിസ്റ്റ്യാനോ ടീമിൽ ഇടംപിടിച്ചില്ല. റോണോയ്ക്ക് പകരക്കാരനായി ബ്രാഗ മുന്നേറ്റനിര താരം റിക്കാർഡോ ഹോർട്ട ടീമിലേക്ക് തിരികെയെത്തി.
കാലിനേറ്റ പരിക്കാണ് റൊണാള്ഡോയ്ക്ക് തിരിച്ചടിയായത്. പരിക്ക് സാരമുള്ളതല്ലെന്നും എന്നാല് റിസ്കെടുക്കാനില്ലെന്നും പോര്ച്ചുഗല് പരിശീലകന് റോബര്ട്ടോ മാര്ട്ടിനെസ് വ്യക്തമാക്കിയിരിക്കുകയാണ്. രണ്ടോ മൂന്നോ ആഴ്ച സൂപ്പര് താരത്തിനു വിശ്രമം വേണ്ടി വരുമെന്നും പരിശീലകന് കൂട്ടിച്ചേർത്തു.
Read more
മെക്സിക്കോ, യുഎസ്എ ടീമുകള്ക്കെതിരെയാണ് പോര്ച്ചുഗല് സൗഹൃദ പോരാട്ടത്തിനൊരുങ്ങുന്നത്. ഈ മാസം 29നാണ് മെക്സിക്കോയ്ക്കെതിരായ പോരാട്ടം. ഏപ്രില് ഒന്നിന് യുഎസ്എയുമായും പോര്ച്ചുഗല് ഏറ്റുമുട്ടും.
