ബ്രസീലിയൻ ഫുട്ബോൾ അസോസിയേഷൻ (CBF) 2022-23 ആഭ്യന്തര സീസണിന്റെ അവസാനം വരെ പുതിയ പരിശീലകന്റെ വരവിനായി കാത്തിരിക്കാൻ തയ്യാറാണെന്ന റിപ്പോർട്ടുകളാണ് ഇപ്പോൾ പുറത്ത് വരുന്നത്. റയൽ മാഡ്രിഡിന്റെ പരിശീലകൻ കാർലോ ആൻസലോട്ടിക്ക് വേണ്ടിയാണ് ബ്രസീൽ ഫെഡറേഷൻ കാത്തിരിക്കുന്നത്.
ലോകകപ്പ് ക്വാർട്ടർ ഫൈനൽ പെനാൽറ്റി ഷൂട്ടൗട്ടിൽ ക്രൊയേഷ്യയുമായുള്ള തോൽവിക്ക് ശേഷം മാനേജർ ടിറ്റെ തന്റെ സ്ഥാനം രാജിവെച്ചിരുന്നു. ജനുവരി മുതൽ ഫെബ്രുവരി വരെയുള്ള കാലയളവിൽ പകരക്കാരനെ കണ്ടെത്തണമെന്ന് സിബിഎഫ് പ്രസിഡന്റ് എഡ്‌നാൾഡോ റോഡ്രിഗസ് നവംബറിൽ ഒരു വാർത്താ സമ്മേളനത്തിൽ പറഞ്ഞു.
എന്നിരുന്നാലും, റോഡ്രിഗസ് തന്റെ മനസ്സ് മാറ്റി, 2026-ൽ വടക്കേ അമേരിക്കയിൽ നടക്കുന്ന ലോകകപ്പിലേക്ക് രാജ്യത്തെ നയിക്കാൻ ഒരു ലോകോത്തര മാനേജരെ ഒപ്പിടുക എന്നതാണ് തന്റെ ലക്ഷ്യമായതിനാൽ തന്റെ സമയമെടുക്കുമെന്ന് വൃത്തങ്ങൾ വെള്ളിയാഴ്ച റോയിട്ടേഴ്സിനോട് പറഞ്ഞു.
അതായത് അണ്ടർ 20 പരിശീലകനായ റാമോൺ മെനെസെസിനെ താൽക്കാലികമായി ചുമതലപ്പെടുത്തി മാർച്ച്, ജൂൺ മാസങ്ങളിൽ ബ്രസീൽ അന്താരാഷ്ട്ര മത്സരങ്ങൾ കളിക്കും.
സിബിഎഫും ആൻസലോട്ടിയും തമ്മിൽ ചർച്ചകളൊന്നും നടന്നിട്ടില്ലെന്ന് അടുത്ത വൃത്തങ്ങൾ റോയിട്ടേഴ്സിനോട് പറഞ്ഞെങ്കിലും ബ്രസീലിന്റെ പ്രധാന ലക്ഷ്യം ആൻസലോട്ടിയാണ്. ബ്രസീലിയൻ മാധ്യമമായ ഗ്ലോബോ പറയുന്നതനുസരിച്ച്, 2023-24 വരെ ക്ലബ്ബുമായി കരാറിലേർപ്പെട്ടിരിക്കുന്ന കോച്ചിനോട് ഔപചാരികമായ സമീപനം സ്വീകരിക്കുന്നതിന് മുമ്പ് സിബിഎഫ് പ്രസിഡന്റ് റോഡ്രിഗസ് വരും ആഴ്ചകളിൽ റയൽ പ്രസിഡന്റ് ഫ്ലോറന്റിനോ പെരസുമായി കൂടിക്കാഴ്ച നടത്താൻ പദ്ധതിയിടുന്നു.
Read more
ആൻസലോട്ടിയെ പോലെ ഒരു ലോകോത്തര പരിശീലകന്റെ സാന്നിധ്യം ലോകകപ്പ് ജയിക്കാൻ തങ്ങളെ സഹായിക്കുമെന്നാണ് ഫെഡറേഷൻ പറയുന്നു.
