സിംബാബ്വെക്കെതിരായ ഏകദിന പരമ്പരക്കുള്ള ഇന്ത്യന് ക്രിക്കറ്റ് ടീമിനെ കഴിഞ്ഞ ദിവസം ബിസിസിഐ പ്രഖ്യാപിച്ചിരുന്നു. രോഹിത് ശര്മ്മയ്ക്ക് വിശ്രമം അനുവദിച്ചതിനാല് ശിഖര് ധവാനാണ് നായകന്. എന്നാലിപ്പോള് ഈ ടീം സെലക്ഷനെ വിമര്ശിച്ച് രംഗത്ത് വന്നിരിക്കുകയാണ് പാകിസ്ഥാന് മുന് ബോളര് ഡാനിഷ് കനേരിയ. ആവേശ് ഖാന് ടീമില് ഇടംനേടാന് പാടില്ലായിരുന്നുവെന്ന് കനേരിയ വിമര്ശിച്ചു.
‘അവേശ് ഖാന് തനിക്ക് ലഭിച്ച അവസരങ്ങളില് മികച്ച പ്രകടനം നടത്തിയിട്ടില്ല. സെലക്ടര്മാരോട് എന്തിനാണ് അദ്ദേഹത്തെ ടീമില് നിര്ത്തിയത്. അവന് ബെഞ്ചിലിരിക്കാനുണ്ടോ? ബെഞ്ചിലിരിക്കാന് മാത്രമാണോ ഇഷാന് കിഷനും ഉള്ളത്?’
‘ജസ്പ്രീത് ബുംറ, മുഹമ്മദ് ഷാമി തുടങ്ങിയ സീനിയര് പേസര്മാര്ക്ക് ഇന്ത്യ വിശ്രമം നല്കിയിട്ടുണ്ട്. ആദ്യ മത്സരങ്ങളില് ഉമ്രാന് മാലിക്കിന് വേണ്ടത്ര ശോഭിക്കാനായില്ല. എന്നാല് സെലക്ടര്മാര്ക്ക് അദ്ദേഹത്തിന് വീണ്ടും അവസരം നല്കാനുള്ള നല്ല അവസരമായിരുന്നു ഇത്’ കനേരിയ പറഞ്ഞു.
അടുത്തിടെ അവസാനിച്ച വെസ്റ്റ് ഇന്ഡീസിനെതിരായ പരമ്പരയിലാണ് ആവേശ് ഖാന് ഏകദിന അരങ്ങേറ്റം. നടത്തിയത്. വലംകൈയ്യന് താരം ഒമ്പത് ഓവറില് നിന്ന് 54 റണ്സ് വഴങ്ങുകയും ഒരു വിക്കറ്റ് വീഴ്ത്തുകയും ചെയ്തിരുന്നു.
ഏകദിനങ്ങള്ക്കുള്ള ഇന്ത്യന് ടീം: ശിഖര് ധവാന് (ക്യാപ്റ്റന്), ഋതുരാജ് ഗെയ്ക്വാദ്, ശുഭ്മാന് ഗില്, ദീപക് ഹൂഡ, രാഹുല് ത്രിപാഠി, ഇഷാന് കിഷന് (വിക്കറ്റ് കീപ്പര്), സഞ്ജു സാംസണ് (വിക്കറ്റ് കീപ്പര്), വാഷിംഗ്ടണ് സുന്ദര്, ശര്ദുല് താക്കൂര്, കുല്ദീപ് യാദവ്, കുല്ദീപ് യാദവ്, അക്സര് പട്ടേല്, അവേഷ് ഖാന്, പ്രസിദ് കൃഷ്ണ, മുഹമ്മദ് സിറാജ്, ദീപക് ചാഹര്.
Read more
ഓഗസ്റ്റ് 18 മുതല് ഹരാരെയിലാണ് പരമ്പര ആരംഭിക്കുന്നത്. മൂന്ന് ഏകദിന മത്സരങ്ങളാണ് പരമ്പരയില് ഉള്ളത്.