ബോര്‍ഡര്‍ ഗവാസ്‌കര്‍ ട്രോഫിയില്‍ ഓസ്ട്രേലിയയ്ക്കെതിരായ രണ്ടാം ടെസ്റ്റിനുള്ള ഇന്ത്യന്‍ ടീമിനെ തെരഞ്ഞെടുത്തത് മുന്‍ ഇന്ത്യന്‍ ഓപ്പണര്‍ വസീം ജാഫര്‍. രണ്ട് പ്രമുഖതാരങ്ങളെ ഒഴിവാക്കിയാണ് ജാഫര്‍ ടീമിനെ തിരഞ്ഞെടുത്തിരിക്കുന്നതെന്നാണ് ശ്രദ്ധേയം. പുറത്തായ ഇരുവരും മോശം ഫോമിലാണ് എന്നതും വിസ്മരിച്ചുകൂടാ.
വൈസ് ക്യാപ്റ്റന്‍ കെ.എല്‍ രാഹുല്‍ ആദ്യ ടെസ്റ്റില്‍ പരാജയമായി മാറിയ ടി20 സ്‌പെഷ്യലിസ്റ്റ് സൂര്യകുമാര്‍ യാദവ് എന്നിവരെയാണ് ജാഫര്‍ ഒഴിവാക്കിയത്. പകരം ശുഭ്മാന്‍ ഗില്ലിനെയും പരിക്ക് മാറി തിരിച്ചെത്തിയ ശ്രേയസ് അയ്യരെയും ജാഫര്‍ തന്റെ ടീമിലുള്‍പ്പെടുത്തി. നായകന്‍ രോഹിത് ശര്‍മ്മയ്‌ക്കൊപ്പം ഗില്‍ ഇന്ത്യന്‍ ഇന്നിംഗ്‌സ് ഓപ്പണ്‍ ചെയ്യും.
ചേതേശര്‍ പൂജാര, വിരാട് കോഹ്‌ലി, ശ്രേയസ് അയ്യര്‍ എന്നിവര്‍ മധ്യനിരയിലുണ്ടാകും.വിക്കറ്റ് കീപ്പര്‍ ബാറ്റ്സ്മാനായി കെ.എസ് ഭരത് തന്നെ. രവീന്ദ്ര ജഡേജ, രവിചന്ദ്രന്‍ അശ്വിന്‍, അക്ഷര്‍ പട്ടേല്‍ എന്നിവരും സ്ഥാനം നിലനിര്‍ത്തി. എന്നാല്‍ കുല്‍ദീപ് യാദവ്, ജയ്‌ദേവ് ഉനദ്കട്ട്, ഉമേഷ് യാദവ് എന്നിവര്‍ക്ക് ജാഫര്‍ തന്റെ പ്ലെയിംഗ് ഇലവനില്‍ അവസരം നല്‍കിയിട്ടില്ല. മുഹമ്മദ് ഷമിയും സിറാജുമാണ് പേസ് നിരയില്‍.
Read more
വസീം ജാഫറിന്റെ പ്ലെയിംഗ് ഇലവന്‍: രോഹിത് ശര്‍മ്മ, ശുഭ്മാന്‍ ഗില്‍, ചേതേശ്വര്‍ പുജാര, വിരാട് കോഹ്‌ലി, ശ്രേയസ് അയ്യര്‍, കെ.എസ് ഭരത്, രവീന്ദ്ര ജഡേജ, രവിചന്ദ്രന്‍ അശ്വിന്‍, അക്ഷര്‍ പട്ടേല്‍, മുഹമ്മദ് ഷമി, മുഹമ്മദ് സിറാജ്.
