അടുത്ത കുറച്ച് ദിവസങ്ങളായി സോഷ്യല്‍ മീഡിയയില്‍ ഹിറ്റ് ആയി കൊണ്ടിരിക്കുന്ന ഗാനമാണ് ‘ഒന്നാന്തരം ബലൂണ്‍ തരാം.. ഒരു നല്ല പീപ്പി തരാം’. ബ്ലാക്ക് ആന്‍ഡ് വൈറ്റിലുള്ള ഈ ഗാനം സോഷ്യല്‍ മീഡിയ ഭരിക്കാന്‍ തുടങ്ങിയ ശേഷം 63 വര്‍ഷത്തിന് മുമ്പിറങ്ങിയ സിനിമയെ കുറിച്ചുള്ള ചര്‍ച്ചകളും ആരംഭിച്ചിട്ടുണ്ട്.
1962ല്‍ ‘സ്‌നേഹദീപം’ എന്ന സിനിമയ്ക്ക് വേണ്ടി പി ഭാസ്‌കരന്‍ എഴുതി, എംബി ശ്രീനിവാസന്‍ സംഗീതം നല്‍കിയ ഗാനമാണിത്. ലത രാജു ആണ് ഗാനം ആലപിച്ചത്. കുട്ടി ഫ്രോക്കിട്ട് ഗാനരംഗത്തില്‍ അഭിനയിച്ച ബാലതാരത്തിന്റെ വിശേഷങ്ങളും സോഷ്യല്‍ മീഡിയയില്‍ വൈറലാവുകയാണ്.
കേരളനടനത്തിന്റെ ഉപജ്ഞാതാവും കഥകളി നര്‍ത്തകനുമാ ഗുരു ഗോപിനാഥന്റെയും നര്‍ത്തകി തങ്കമണിയുടെയും മകള്‍ വിനോദിനി ശശിമോഹന്‍ ആണ് ആ ബാലതാരം. വര്‍ഷങ്ങള്‍ക്കിപ്പുറം സിനിമയും ഗാനവും ട്രെന്‍ഡിങ് ആയതിന്റെ സന്തോഷത്തിലാണ് വിനോദിനി. ഭര്‍ത്താവ് ശശിമോഹനൊപ്പം തിരുവനന്തപുരത്താണ് വിനോദിനി താമസിക്കുന്നത്.
Read more
ഭക്തകുചേല, പുതിയ ആകാശം പുതിയ ഭൂമി, അമ്മയെ കാണാന്‍, കടലമ്മ, കറുത്ത കൈ തുടങ്ങിയ സിനിമകളില്‍ ബാലതാരമായും ദേവി കന്യാകുമാരി എന്ന ചിത്രത്തില്‍ നായികയായും അഭിനയിച്ചിട്ടുണ്ട്. കമല്‍ ഹാസന്റെ ‘കണ്ണും കരളും’ എന്ന ആദ്യ മലയാള ചിത്രത്തിലും വിനോദിനി അഭിനയിച്ചിട്ടുണ്ട്.
