ഇന്ന് ഫെബ്രുവരി പത്താണ്, എന്നാൽ പിന്നെ ഒന്നും നോക്കേണ്ട; ക്രിക്കറ്റ് ലോകത്തെ ഞെട്ടിച്ച റെക്കോഡ്

ഇന്ത്യൻ ക്രിക്കറ്റ് ഒരുകാലത്ത് ഏറ്റവും കൂടുതൽ ആഘോഷിച്ച പേരുകളാണ് ഇർഫാൻ പത്താന്റെയും യൂസഫ് പത്താന്റെയും. ഇരുവരും ആ കാലത്ത് ക്രിക്കറ്റ് കളിക്കളത്തിൽ സൃഷ്‌ടിച്ച ഓളം അത്രക്ക് മികച്ചതായിരുന്നു,. ക്രിക്കറ്റിൽ നിന്നും വിരമിച്ചെങ്കിലും അക്കാദമി ഉൾപ്പടെ ഉള്ള കാര്യങ്ങളുമായി സജീവമാണ് താരങ്ങൾ ഇപ്പോഴും.

ഇരുവരും ഭാഗമായ ഒരു റെക്കോഡാണ് ഏറ്റവും കൗതുകം. 2009ൽ ശ്രീലങ്കയ്‌ക്കെതിരായ ടി20 ഐ മത്സരത്തിൽ ഇർഫാനും യൂസഫ് പത്താനും – 59 റൺസിന്റെ കൂട്ടുകെട്ട് ഇന്ത്യയുടെ വിജയത്തിൽ നിർണായകമായിരുന്നു. ഇതിൽ എന്താണ് ഇത്ര കൗതുകം എന്നല്ലേ അതെ ദിവസമാണ് മറ്റൊരു ചരിത്രം പിറന്നത്.

അതുപോലെ, അതേ ദിവസം, 2009 ഫെബ്രുവരി 10 ന്, ന്യൂസിലൻഡിനെതിരെ ഓസ്‌ട്രേലിയ കളിച്ച ഏകദിന മത്സരത്തിൽ ഹസി സഹോദരൻമാരും നിർണായക പങ്ക് വഹിച്ചു. ഡേവിഡും മൈക്കൽ ഹസിയും ചേർന്ന് 115 റൺസിന്റെ കൂട്ടുകെട്ടിൽ ഓസ്‌ട്രേലിയയെ വിജയിപ്പിച്ചിരുന്നു.

ഒരേ ദിവസം വ്യത്യസ്തമായ ടീമുകൾക്ക് വേണ്ടി സഹോദരങ്ങൾ തകർത്തടിച്ച ദിവസം എന്ന നിലയിൽ കൗതുകമാണ് ഈ റെക്കോർഡ്.