ന്യൂസിലാന്റിനെ അഫ്ഗാനിസ്ഥാന് തോല്പ്പിച്ചാല് ഇന്ത്യക്കെതിരേ നിരവധി ചോദ്യങ്ങള് ഉയരുമെന്ന മുന്നറിയിപ്പുമായി പാകിസ്ഥാന് മുന് പേസര് ശുഐബ് അക്തര്. ഇന്ത്യയുടെ സെമി സാധ്യത ന്യൂസിലാന്റിന്റെ പരാജയത്തെ ആശ്രയിച്ചിരിക്കുന്ന സാഹചര്യത്തിലാണ് അക്തറിന്റെ പ്രസ്ഥാവന.
‘ഇന്ത്യയുടെ വിധി ഇപ്പോള് ന്യൂസീലാന്റിന്റെ കൈകളിലാണ്. ന്യൂസിലാന്റ് അഫ്ഗാനിസ്ഥാനോട് തോറ്റാല് ഒരുപാട് ചോദ്യങ്ങള് ഉയരും. ഞാന് മുന്നറിയിപ്പ് നല്കുകയാണ്. അടുത്ത വലിയ ചര്ച്ചാവിഷയമായി ഇത് മാറുമോയെന്ന ആശങ്ക എനിക്കുണ്ട്. ഒരു തരത്തിലുള്ള വിവാദവും സൃഷ്ടിക്കാന് ആഗ്രഹിക്കുന്നില്ല. എന്നാല് പാകിസ്ഥാന്റ ആരാധകര് വളരെ വൈകാരികമായി പ്രവര്ത്തിക്കുന്നവരാണ്’.
അഫ്ഗാനിസ്ഥാനെക്കാള് മികച്ചവര് ന്യൂസിലാന്റാണ്. ദൈവത്തിന്റെ വിധിയാല് ന്യൂസിലാന്റിന് തോല്ക്കേണ്ടി വന്നാലാണ് പ്രശ്നം. സോഷ്യല് മീഡിയയെ അടക്കിനിര്ത്താന് ആര്ക്കുമാവില്ല’അക്തര് പറഞ്ഞു.
Read more
ഇന്നു നടക്കുന്ന മത്സരത്തില് ന്യൂസീലാന്റ് അഫ്ഗാനിസ്ഥാനുമായി ഏറ്റുമുട്ടും. ന്യൂസീലന്ഡ് ജയിച്ചാല് അവര് സെമിയില് പ്രവേശിക്കും. ഇന്ത്യയും അഫ്ഗാനും സെമി കാണാതെ പുറത്താകും. ചെറിയ മാര്ജിനില് അഫ്ഗാന് ജയിച്ചാല്, നമീബിയയെ പരാജയപ്പെടുത്തിയാല് ഇന്ത്യ സെമിയിലെത്തും.