ഹാമില്ട്ടന്: ന്യൂസീലന്ഡിനെതിരായ നാലാം ഏകദിനത്തില് പാക് താരം ശുഹൈബ് മാലിക്കിന് പരിക്ക്. റണ്സെടുക്കാനുളള ശ്രമിത്തിനിടെ കിവീസ് താരം കോളിന് മണ്റോയുടെ ഏറ് തലയില് പതിച്ചാണ് മാലിക്കിന് പരിക്കേറ്റത്. മത്സരത്തിന്റെ 32ാം ഓവറിലാണ് നാടകീയ സംഭവങ്ങള്.
ഹെല്മെറ്റില്ലാത്ത കിവീസ് സ്പിന്നര്ക്കെതിരെ ബാറ്റ് ചെയ്യുകയായിരുന്നു മാലിക്ക്. ഇതിനിടെ സിംഗിളെടുക്കാന് ശ്രമിച്ച താരം റണ്ണൗട്ടാകാതിരിക്കാന് തിരിഞ്ഞോടുന്നതിനിടെയാണ് അപകടം സംഭവിച്ചത്. ക്രീസിലേക്ക് ഓടിക്കയറുന്നതിനിടയില് കിവീസ് ഫീല്ഡര് മണ്റോ എറിഞ്ഞ പന്ത് ഷുഐബിന്റെ തലയില്കൊണ്ടു.
വേദന കൊണ്ട് പുളഞ്ഞ പാക് താരം ഗ്രൗണ്ടില് വീണു. തുടര്ന്ന് വൈദ്യസംഘമെത്തി മാലിക്കിനെ പരിശോധിച്ചു. കുറച്ചുസമയത്തിന് ശേഷം കളി തുടര്ന്ന മാലിക്കിന് പിന്നീട് രണ്ട് പന്തുകളേ നേരിടാനായുള്ളു. ആകെ ആറു റണ്സാണ് പാക് താരം നേടിയത്.
#shoaibmalik takes nasty blow on head in #NewZealand ODI, he did not come out for fielding and we hope he is doing well now#PAKvsNZ #DunyaVideos @realshoaibmalik Shoaib Malik 4th ODI @TheRealPCB @MirzaSania #DunyaNews @ICC pic.twitter.com/SSMqpzlNlS
— Dunya News (@DunyaNews) January 16, 2018
അതെസമയം മാലിക്കിന്റെ പരിക്ക് ഗുരുതരമല്ലെന്നാണ് സൂചന. മത്സരശേഷം നടന്ന പരിശോധനയില് നിന്നാണ് ഇക്കാര്യം വ്യക്തമായിരിക്കുന്നത്. കൂടുതല് പരിശോധനകള് നടന്നുവരുകയാണ്. ഇന്ത്യന് ടെന്നീസ് താരം സാനിയ മിര്സയുടെ ഭര്ത്താവ് കൂടിയാണ് ശുഹൈബ് മാലിക്ക്.
Read more
മത്സരത്തില് പാകിസ്താന് അഞ്ച് വിക്കറ്റിന് തോറ്റിരുന്നു. വള്ളിയാഴ്ച്ച വെല്ലിങ്ടണിലാണ് അഞ്ചാം ഏകദിനം.