റിഷഭ് പന്തിന്റെയും കെ എൽ രാഹുലിന്റെയും പരിക്ക് കണക്കിലെടുത്ത് വരാനിരിക്കുന്ന വൈറ്റ് ബോൾ പരമ്പരയിൽ സഞ്ജു സാംസണെ ഇന്ത്യൻ ടീമിൽ എടുക്കുമെന്ന് മുൻ ഇന്ത്യൻ വിക്കറ്റ് കീപ്പർ ബാറ്റർ റോബിൻ ഉത്തപ്പ കരുതുന്നു. ഈ വർഷം ജനുവരിയിൽ ശ്രീലങ്കയ്‌ക്കെതിരെ പരമ്പരയിൽ ടീമിലിടം കിട്ടിയ സഞ്ജുവിന് പരമ്പരയ്ക്കിടെ പരിക്ക് പറ്റുക ആയിരുന്നു.
ശ്രീലങ്കയ്‌ക്കെതിരായ ആദ്യ ടി20 മത്സരത്തിനിടെ സഞ്ജു സാംസൺ പരിക്കേറ്റ് പരമ്പരയിൽ നിന്ന് പുറത്തായിരുന്നു. എന്നിരുന്നാലും, ഓസ്‌ട്രേലിയയ്‌ക്കെതിരായ ഏകദിന പരമ്പരയ്ക്കുള്ള തിരഞ്ഞെടുപ്പിൽ രാജസ്ഥാൻ റോയൽസ് (ആർആർ) നായകൻ അവഗണിക്കപ്പെട്ടു. പരിക്ക് മൂലം ശ്രേയസ് അയ്യർ പരമ്പരയിൽ നിന്ന് പുറത്തായതിന് ശേഷവും വലംകൈയ്യൻ ബാറ്ററെ ടീമിൽ ഉൾപ്പെടുത്തിയിരുന്നില്ല.
സഞ്ജു സാംസണെ ഉയർന്ന നിലവാരമുള്ള കളിക്കാരനെന്ന് പുകഴ്ത്തിയ റോബിൻ ഉത്തപ്പ, അന്താരാഷ്ട്ര ക്രിക്കറ്റിൽ സഞ്ജുവിന് ധാരാളം അവസരങ്ങൾ കിട്ടുമെന്നും റോബിൻ ഉത്തപ്പ പറയുന്നു.
“ശരി, ടൂർണമെന്റിനിടെ കെ എൽ രാഹുലിനും പരിക്കേറ്റു എന്ന വസ്തുത കണക്കിലെടുക്കുമ്പോൾ പരിമിത ഓവർ ക്രിക്കറ്റിൽ (വീക്ഷണം) സഞ്ജുവിന് തിളങ്ങാനുള്ള അവസരമായിരുന്നു ഇത്. എന്നാൽ സഞ്ജുവിന് പരിക്കേറ്റു.“എന്നാൽ അത് പറയുമ്പോൾ, അദ്ദേഹം ഉയർന്ന നിലവാരമുള്ള കളിക്കാരനാണെന്നും അന്താരാഷ്ട്ര തലത്തിൽ മാന്യമായ ഒരു റണ്ണിന് അർഹനാണെന്നും നമുക്ക് അറിയാം. അവസരങ്ങളുടെ ഒരു വലിയ ലോകം അവനെ കാത്തിരിപ്പുണ്ട്.”
Read more
“ഒരു ഇന്ത്യൻ കോൾ-അപ്പ് എല്ലായ്പ്പോഴും പ്രകടനം അടിസ്ഥാനമാക്കിയുള്ളതാണെന്ന് ഞാൻ കരുതുന്നു, ആ തലത്തിൽ എന്തുകൊണ്ടും തിളങ്ങാൻ യോഗ്യനാണ് അവൻ. അവന് മാന്യമായ അവസരങ്ങൾ നൽകുക. അതിൽ തിളങ്ങി ഇല്ലെങ്കിൽ മാത്രം അവനെ മാറ്റുക. സ്ഥിരമായി കുറച്ച് മത്സരങ്ങൾ അവന്റെ പ്രകടനം നോക്കിയിട്ട് മാത്രം തീരുമാനം എടുക്കുക.” ഉത്തപ്പ അവസാനിപ്പിച്ചു .
