തന്റെ മുന്‍ ടീമായ കൊല്‍ക്കത്ത നൈറ്റ് റൈഡേഴ്സ് (കെകെആര്‍) ഐപിഎല്ലിന്റെ വരാനിരിക്കുന്ന സീസണില്‍ വിജയിക്കുന്നത് കാണാനുള്ള ആഗ്രഹം പ്രകടിപ്പിച്ച് റോബിന്‍ ഉത്തപ്പ. കെകെആറിനൊപ്പം ഒരു കളിക്കാരനെന്ന നിലയില്‍ മികച്ച വിജയകരമായ സീസണായിരുന്നു ഉത്തപ്പയുടേത്. 2014ല്‍ കെകെആര്‍ ഐപിഎല്‍ കിരീടം ചൂടിയപ്പോള്‍ റോബിന്‍ ഉത്തപ്പ ടീമിന്റെ ഭാഗമായിരുന്നു. അതിനു ശേഷം ഇതുവരെ ടീമിന് കിരീടം നേടാനായിട്ടില്ല.
ഞാന്‍ കെകെആര്‍ വിട്ടിട്ട് വളരെക്കാലമായി, പക്ഷേ ടീമിനോടുള്ള എന്റെ സ്‌നേഹം ഇപ്പോഴും ഉണ്ട്. അവര്‍ വീണ്ടും ഐപിഎല്‍ വിജയിക്കണമെന്ന് ഞാന്‍ ആഗ്രഹിക്കുന്നു- റോബിന്‍ ഉത്തപ്പ ബംഗാളി വാര്‍ത്താ ഏജന്‍സിയായ ആനന്ദബസാര്‍ പത്രികയോട് പറഞ്ഞു.
മുന്‍ നായകന്‍ ഗൗതം ഗംഭീര്‍ കൊല്‍ക്കത്ത നൈറ്റ് റൈഡേഴ്സിന്റെ ഉപദേശകനായി ടീമില്‍ തിരിച്ചെത്തിയത് പ്രകടമായ കുതിച്ചുചാട്ടം ടീമിനുള്ളില്‍ സൃഷ്ടിക്കുമെന്നാണ് വിലയിരുത്തപ്പെടുന്നത്. ഗംഭീര്‍ നായകനായി ഇരുന്നപ്പോഴാണ് കെകെആര്‍ രണ്ടുവട്ടവും ഐപിഎല്‍ കിരീടം ചൂടിയത്. ലഖ്‌നൗ സൂപ്പര്‍ ജയന്റ്‌സ് ടീമിന്റെ മെന്റര്‍ സ്ഥാനം ഉപേക്ഷിച്ചാണ് താരത്തിന്റെ കെകെആറിലേക്കുള്ള മടങ്ങിവരവ്.
Read more
അതേസമയം, ഐപിഎല്‍ 2024 മാര്‍ച്ച് 22 ന് ആരംഭിക്കും. നിലവിലെ ചാമ്പ്യന്മാരായ ചെന്നൈ സൂപ്പര്‍ കിംഗ്സും റോയല്‍ ചലഞ്ചേഴ്സ് ബാംഗ്ലൂരും ടൂര്‍ണമെന്റിന്റെ ഉദ്ഘാടന മത്സരത്തില്‍ പരസ്പരം ഏറ്റുമുട്ടും.
