ഐപിഎലില്‍ ലഖ്‌നൗ സൂപ്പര്‍ ജയന്റ്‌സിനെതിരെ ജയിച്ച് പോയിന്റ് ടേബിളില്‍ വീണ്ടും രണ്ടാമത് എത്തിയിരിക്കുകയാണ് പഞ്ചാബ് കിങ്‌സ്. ധരംശാലയില്‍ നടന്ന മത്സരത്തില്‍ പഞ്ചാബ് ഉയര്‍ത്തിയ 237 റണ്‍സ് വിജയലക്ഷ്യത്തിന് മറുപടിയായി ലഖ്‌നൗവിന് 199 റണ്‍സ് എടുക്കാനേ സാധിച്ചുളളൂ. 91 റണ്‍സെടുത്ത പ്രഭ്‌സിമ്രാന്‍ സിങാണ് പഞ്ചാബിനായി അര്‍ധസെഞ്ച്വറി നേടി മുന്നില്‍ നിന്ന്് നയിച്ചത്. ക്യാപ്റ്റന്‍ ശ്രേയസ് അയ്യര്‍ (45), ജോഷ് ഇംഗ്ലിസ്(30), ശശാങ്ക് സിങ്(33) തുടങ്ങിയവരും പഞ്ചാബിനായി തിളങ്ങി. എല്‍എസ്ജിക്കെതിരെ ശശാങ്ക് സിങ് നേടിയ ഒരു സിക്‌സിന് പ്രീതി സിന്റയുടെതായി വന്ന റിയാക്ഷനാണ് ഇപ്പോള്‍ സോഷ്യല്‍ മീഡിയയില്‍ നിറയുന്നത്.
15 ബോളില്‍ നാല് ഫോറും ഒരു സ്ിക്‌സും ഉള്‍പ്പെടെയാണ് ശശാങ്ക് 33 റണ്‍സ് എടുത്ത് ടീം സ്‌കോറിലേക്ക് കാര്യമായി സംഭാവന നല്‍കിയത്. പ്രഭ്‌സിമ്രാന്‍ സിങിനും മാര്‍ക്കസ് സ്റ്റോയിനസിനുമൊപ്പം നിര്‍ണായക സമയത്ത് മികച്ച കൂട്ടുകെട്ടും ഉണ്ടാക്കി ടീമിനെ താരം മുന്നോട്ടുനയിച്ചു. അതേസമയം മായങ്ക് യാദവിന്റെ പന്തില്‍ ശശാങ്ക് സിങ് നേടിയൊരു സ്ിക്‌സ് ആരാധകരുടെ ഒന്നടങ്കം കയ്യടി നേടിയിരുന്നു.
17ാം ഓവറിലെ നാലാം ബോളിലായിരുന്നു ഈ സിക്‌സ്. മായങ്ക് എറിഞ്ഞ ബാക്ക് ഓഫ് എ ലെഗ്ത് ഡെലിവറി അനായാസം സിക്‌സായി മാറ്റുകയായിരുന്നു ശശാങ്ക്. അടിച്ച പന്താവട്ടെ റൂഫില്‍ തട്ടി സ്റ്റേഡിയത്തിന് പുറത്തേക്ക് പോവുകയും ചെയ്തിരുന്നു. ഈ സമയത്തായിരുന്നു സിക്‌സ് പൊളിച്ചല്ലോ എന്ന തരത്തിലുളള പഞ്ചാബ് ഉടമ പ്രീതി സിന്റയുടെ റിയാക്ഷന്‍ വന്നത്.
Fetch that one from the mountains! 🏔#ShashankSingh lights up Dharamsala with a monstrous six. Power-hitting at it’s finest! 🤩
Watch the LIVE action in BHOJPURI ➡ https://t.co/Iz9KWvDwyp #IPLRace2Playoffs 👉 #PBKSvLSG | LIVE NOW on Star Sports 1, Star Sports 1 Hindi, Star… pic.twitter.com/C24qxSp4lE
— Star Sports (@StarSportsIndia) May 4, 2025
Read more
