ഏകദിന ലോകകപ്പിന്റെ ഒന്നാം സെമി ഫൈനലില് ഇന്ത്യ നാളെ ന്യൂസിലന്ഡിനെ നേരിടും. മുംബൈ വാംഖഡെ സ്റ്റേഡിയത്തിലാണ് മത്സരം നടക്കുന്നത്. ഇപ്പോഴിതാ ഇന്ത്യയെ തകര്ക്കാന് തങ്ങളുടെ കൈയില് വ്യക്തമായ പദ്ധതികളുണ്ടെന്ന് വ്യക്തമാക്കിയിരിക്കുകയാണ് ന്യൂസിലന്ഡ് സൂപ്പര് പേസര് ലോക്കി ഫെര്ഗൂസന്.
പാകിസ്ഥാനെതിരായ ഞങ്ങളുടെ ഒരു മത്സരം മഴമൂലം ഉപേക്ഷിക്കേണ്ടി വന്നു. എന്നാല് ഞങ്ങള്ക്കുറപ്പുണ്ടായിരുന്നു ഈ സ്ഥാനത്ത് എത്തുമെന്ന്. ഇന്ത്യക്കെതിരേ കളിക്കുകയെന്നത് വലിയ വെല്ലുവിളി തന്നെയാണ്.
ഇന്ത്യയുടെ ബോളിംഗ് നിര ശക്തമാണ്. സെമിയിലെത്തിയ എല്ലാ ടീമിനും മികച്ച ബോളിംഗ് കരുത്തുണ്ടെന്നാണ് കരുതുന്നത്. ഇന്ത്യക്കെതിരേ ഇത്തവണയും വ്യക്തമായ പദ്ധതികള് ഞങ്ങള്ക്കുണ്ട് – ലോക്കി ഫെര്ഗൂസന് പറഞ്ഞു.
Read more
ലീഗ് ഘട്ടത്തില് ഒമ്പത് മത്സരങ്ങളും ജയിച്ചാണ് ഇന്ത്യ സെമിയിലേക്കെത്തിയിരിക്കുന്നത്. അതുകൊണ്ടുതന്നെ വലിയ ആത്മവിശ്വാസം രോഹിത്തിനും സംഘത്തിനുമുണ്ടാവും. നെറ്റ് റണ്റേറ്റില് പാകിസ്ഥാനെ മറികടന്ന് നാലാം സ്ഥാനക്കാരായാണ് കിവീസ് സെമിയില് കടന്നിരിക്കുന്നത്. എന്നാല് ഇന്ത്യക്കെതിരായ നേര്ക്കുനേര് കണക്കിന്റെ ആത്മവിശ്വാസം ന്യൂസിലന്ഡിനുണ്ട്.