മുന്‍ ഇന്ത്യന്‍ ക്യാപ്റ്റന്‍ സുനില്‍ ഗവാസ്‌കര്‍ കളിക്കുന്ന കാലത്ത് കളിക്കളത്തില്‍നിന്ന് ഇടവേള എടുക്കാന്‍ ഇഷ്ടപ്പെട്ടിരുന്നില്ല. നിലവിലെ ടീം ഇന്ത്യന്‍ മാനേജ്മെന്റിനും അദ്ദേഹം സമാനമായ ഉപദേശം നല്‍കിയിരിക്കുകയാണ്. കുറഞ്ഞത് 2023 ഏകദിന ലോകകപ്പ് വരെ ടീമിലെ മികച്ച ബാറ്റര്‍മാര്‍ക്ക് വിശ്രമം നല്‍കരുതെന്നാണ് ഗവാസ്‌കറിന്റെ ആവശ്യം.
വളരെയധികം വെട്ടിമുറിക്കലും മാറ്റവും അനിശ്ചിതത്വവും ടീമിന് ഏറെ ഹാനികരമാകുമെന്ന് ഗവാസ്‌കര്‍ കരുതുന്നു. 2023ലെ ഏകദിന ലോകകപ്പിനായുള്ള ഒരുക്കത്തില്‍ ബാറ്റര്‍മാരുടെ കാര്യത്തില്‍് ടീം മാനേജ്മെന്റിന് ഒരു സെറ്റില്‍ പ്ലാന്‍ ഉണ്ടായിരിക്കണമെന്നാണ് ഗവാസ്‌കര്‍ പറയുന്നത്.
കൂടുതല്‍ സമയം ഒരുമിച്ച് കളിക്കാന്‍ ബാറ്റര്‍മാര്‍ക്ക് ഇടവേളകള്‍ നല്‍കരുതെന്ന് ഗവാസ്‌കര്‍ ടീം മാനേജ്മെന്റിനെ ഉപദേശിച്ചു. ഇത് ദീര്‍ഘകാലാടിസ്ഥാനത്തില്‍ ടീമിന് ഗുണം ചെയ്യുമെന്നാണ് ഇതിഹാസം പറയുന്നത്.
Read more
പരിശീലകന്‍ രാഹുല്‍ ദ്രാവിഡ് അടിക്കിടെ ഇടവേളകള്‍ എടുക്കുന്നതിന് മുന്‍ പരിശീലകന്‍ രവി ശാസ്ത്രി ചോദ്യം ചെയ്തു. ‘ഞാന്‍ ഇടവേളകളില്‍ വിശ്വസിക്കുന്നില്ല. എനിക്ക് എന്റെ ടീമിനെയും കളിക്കാരെയും മനസിലാക്കണം. തുടര്‍ന്ന് ആ ടീമിന്റെ നിയന്ത്രണത്തിലാകണം. സത്യസന്ധമായി പറഞ്ഞാല്‍ നിങ്ങള്‍ക്ക് ഇത്രയധികം ഇടവേളകള്‍ എന്തിനാണ്- ശാസ്ത്രി പറഞ്ഞു.
